مامه‌شوان

شیعر/ شه‌ریف

میوزیک / ئه‌رده‌وان کامکار

مامه‌ شوانی کۆڵنه‌ده‌ر

کوردی فه‌ره‌نجی له‌به‌ر

خونچه‌ی دڵم بێ ئاوه‌

هانام بۆ تۆ هێناوه‌

نه‌ دیمه‌نی به‌هاران

نه‌ باڵنده‌ی کۆساران

دڵته‌نگم زۆر خه‌مینم

په‌شێوی کۆچی ژینم

منداڵی به‌ خه‌مباری

لاوی به‌ چاوه‌نواڕی

مانگ وساڵی ژیانم

که‌ی هات و چوو نازانم

ساتێ له‌به‌ر شاڵه‌که‌ت

ده‌ربێنه‌ شمشاڵه‌که‌ت

به‌سۆزی جه‌رگی بریان

بلوێرت بێنه‌ گریان

یاخو به‌نه‌زمی حه‌یران

فرمێسکم بێنه‌ سه‌یران