|
ئاساییشا پاسیڤ به لا سه رێ مه هه میانه! ... محی الدین ئه‌حمه‌د
خه لكێ مه ل كوردستانێ رۆژانه تۆشی گه له ك به لا و ده رده سه ریان دبیت.
هنده ک ژ وان تاوانان هند مه زنن ناهێنه ڤهشارتن. هنده‌ک ژی ب خۆ ئاشکرا
دبن و هنه‌کان ژی ئاشکرا دکه‌ن.
به‌لێ گه‌له‌ک تاوان هه‌نه ناهێنه ئاشکرا کرن، ل بن په‌ردان تێن
ڤهشارتن. ناخازن ئاشکرا بکه‌ن، چونکی د به‌رژه‌وه‌ندیا هنده‌ک ژ
به‌رپرسیاران، وه‌زیران یان فیودالان دا نییه.
گه‌له‌ک کارێن کوشتنێ، خوینداریێ و تۆلاستاندنێ ل پێش چاڤێن ده‌زگه‌هێن
به‌رپرس رودده‌ن، به‌لێ موخابن ئاساییش، پۆلیس، پێشمه‌رگه چاڤێن خۆ دگرن و
نه‌ڤێت مایێ خۆ تێبکه‌ت. ئه‌ڤه ژی دبیته ه‌گه‌رێ سه‌رکی ژ بۆ چێبوونا
گرۆپ و کۆمان.
هنده‌ک ژ وان گرۆپان ڤێ رێکێ بۆ خۆ بکارتینن دا کو خۆ بپاریزن و ژ گه‌له‌ک
ئاریشان.
هنده‌ک گرۆپ ژی چێدبن هه‌تا کو ب زۆری و زۆرداری حوکمێ خۆ ل سه‌ر خه‌لکێ
دی فه‌رز بکه‌ن. ڤێ ره‌وشێ ب باشترین ده‌لیڤه بۆ خۆ بکارتینن. ژ به‌رکو
ئاساییش یا پاسیڤه و نه‌شێت ب درستی ب کارێن خۆ راببیت. ئه‌و ژی ژبه‌ر
گه‌له‌ک ئه‌گه‌ران.
بۆ نمونه: ئه‌گه‌ر که‌سه‌کێ سه‌ر ب عه‌شیره‌ته‌کا بهێز کاره‌کێ دژی
قانونێ ئه‌نجام دا، ئاساییش یان پۆلیس نه‌شین وان خرابکاران بگرن یان سزا
بده‌ن. ژبه‌رکو هێزا عه‌شیره‌تێ ژ یا ئاساییش و پۆلیسان بهێز تر
مه‌زنتره!.
چاڤێ ئاساییشێ یێ لێ، ئه‌گه‌ر فه‌قیره‌کێ کاره‌کێ خراب ل ده‌ستان
ده‌رکه‌ت، یان بێی ده‌ستێ وی هاته کرن، هنگی ئاساییش و پۆلیس وه‌کی شێران
دێ هاڤێژن سه‌ر مالا وان و ئێکسه‌ر دێ به‌نه بنگه‌هی و پاشی بێ راوه‌ستان
بۆ مه‌حکه‌مێ. هنگی مه‌حکه‌مه‌ژی هندا خورته، بێ راوه‌ستان دێ وی که‌سی
حوکوم ده‌ن.
ب
دیتنا من ئه‌ڤه خرابترین و لاوازترین خالا ئاساییشێ یه. هه‌روه‌سا ئه‌ڤه
د بیته بنگه‌ه ژ بو ڤه‌کرن و فره کرنا رێکێ بۆ گه‌له‌ک که‌سان کۆ خۆ بده‌ن
ئێک و هێزا خۆ دیار بکه‌ن و ده‌ست ب کارێن خراب و چه‌په‌ل بکه‌ن.
ئاساییش سه‌به‌بێ گه‌له‌ک خراب کاریانه، مینا کوشتن، تالان دزی. . . . .
. . . .
یه‌عنی ئاساییش ده‌رگه‌هێ سه‌ره‌کی یه ژ بۆ تێکدانا ره‌وشا ئێمناهیا
کوردستانێ. نه‌کو خه‌مخۆرێ هه‌ڤوه‌لاتیانه!
ئاساییش و حکومه‌تا کوردستانێ، هه‌تا نوکه نه‌شیایه دیاردا چه‌کداریێ ل
کوردستانێ چاره‌سه‌ر بکه‌ت. ئه‌ڤه دیارده‌یه‌کا گه‌له‌کا نه‌شارستانی و
کرێته. دگه‌ل ره‌وشا نها دا رێک ناکه‌ڤیت. ئه‌گه‌ره‌که ژ بۆ مان
به‌رده‌وامیا سسته‌ما عه‌شره‌تی و مالباتێی، یان کو ئه‌گه‌ره‌که ژ بۆ پاش
ئێخستنا جڤاکا کوردی و رێکا پێشکه‌فتنێ لێ دگریت.
هه‌ر ژ به‌ر ڤێ یه‌کێ ژی یه کو هێشتا دیاردا کوشتن و تۆلڤه‌کرنێ د
کوردستانێ دا یا به‌رده‌وامه و ئه‌گه‌ره‌کێ مه‌زنه ژ بۆ تێکدانا ره‌وشا
ناڤخۆ یا کوردستانێ. ئه‌گه‌ر پێویست بیت مرۆڤ دشێت چه‌ندین نمونا رێزبکه‌ت.
وه‌زیرێ ناڤخۆ کاک که‌ریم شه‌نگاری پتر ژ هه‌موو که‌سان ئاگه‌هداری ڤێ
ره‌وشێ و خه‌مساریێ یه. ئه‌و ب خۆ پتر ژ هه‌می که‌سان چاڤێن خۆ ژ تاوان
باران دنقینیت و رێکا خۆ لێ لاده‌ت. یان راستتر وی نه‌ڤێت وان تشتان ببینیت
یان گۆه بده‌تێ.
ژ بۆ ڤان کارێن کوشتنێ یێن ناڤخۆ یان کریارێن خوینداریێ، کاک که‌ریم
هاتیه ئاگه‌هدار کرن، به‌لێ هه‌ر تشت ب پشتگۆهێ خۆ ڤه هاڤێتنه. نمونه
ژی هه‌نه!
ئه‌ڤ پاسیڤیا ئاساییشێ د گه‌هیته وی حددی کو هنده‌ک ژ وی خه‌لکێن دلسۆز و
زه‌حمه‌تکێش مه‌جبور بکه‌ن رێکا خۆ بگۆهرن یان ژی ده‌ست ب کارێن تێکده‌ریێ
بکه‌ن یان ژی هزر و بیروباوه‌ر و چه‌په‌رێ خۆ بگۆهرن. د ئه‌نجام دا ببنه
ئه‌گه‌رێ ژ ناڤبرنا سه‌رێ خۆ و هنده‌کێن دی ژی. هنگی ژی ئاساییش ده‌ست ب
کارێ خۆ بکه‌ت یان نه‌که‌ت چ فایده نینه.
هه‌روه‌سا د بن سها ڤێ ره‌وشێ دا، رێک ژ بۆ گه‌له‌ک که‌سێن وه‌کو شێخ زانا
ڤه‌دبێت کو دبن سیها لاوازی وخه‌‌مساریا ئاساییشێ دا ده‌ست ب کارێن خۆ
بکه‌ن و پیلانێن دوژمنان د ناڤ مالا مه‌دا و د بن سیبه‌را ئاساییشێ دا
ئه‌نجام بده‌ن و روویێ ملله‌تێ مه ژی ره‌ش بکه‌ن.
ئه‌گه‌ر ئاساییش ل سه‌ر ڤێ رێکا خۆ یا خه‌له‌ت به‌رده‌وام ببیت، د ئه‌نجام
دا دێ کوردستانێ به‌ر ب مالوێرانیی به‌ت. زێده‌بارێ ڤێ به‌ره‌للا یا کو
هه‌ی دێ هێشتا خراب تر لێکه‌ت. یان کو دێ کوردستان بیته بنگه‌هێ
ته‌رۆریستان و دێ خه‌لکێ کوردستانێ ژی هاریکاریا وان که‌ت و دێ بنه
رێنشانده‌رێن وان.
لازمه پارتی و حوکمه‌ت و ئاساییشا خه‌مسار و پاسیڤا خۆ چاره بکه‌ن.
نه‌گه‌هیته وی حه‌دی کو خه‌لکێ کوردستانێ ب چاڤه‌کێ کرێت ل ڤێ ئاساییشێ
بنێرن. ئه‌و ئاساییشا کو نه‌شێت ئێمناهیا خه‌لکی بپارێزیت، نه‌بیت بشتره.
هه‌ر وه‌ختێ ڤالاهی د ناڤبه‌را خه‌لک و ئاساییشێ دا چێ بوو، ئاساییش لێ
به‌رپرسه.
ئه‌گه‌ر هات و ئه‌ڤ ره‌وشه به‌رده‌وام بوو، پاشی دێ ره‌وش ل ده‌ست پارتی
ده‌رکه‌ڤیت و ره‌نگه مالوێرانی ببیته به‌هرا مه هه‌میان.
هه‌روه‌کو بارزانی گۆتیه: هه‌گه‌ر دلێ ملله‌تی دگه‌ل مه بیت دوژمن هزار
جاران بهێزتر بیت نه‌شێت مه بشکێنیت، به‌لێ ئه‌گه‌ر دلێ ملله‌ت دگه‌ل مه
نه‌بیت، چ جاران ئه‌م ب سه‌ر ناکه‌ڤین.
محی الدین احمد/ سوێد
| 
