|
به‌خه‌باتی رێكخراوه‌ی و ناره‌زایه‌تی په‌نابه‌ران،هه‌نگاو به هه‌نگاو
پاشه‌كشه به حكومه‌تی به‌ریتانیا ده‌كه‌ین!
خه‌ڵكی ئازادیخواز
په‌نابه‌ران!
له‌زنجیره‌ی كه‌مپینێ
كه فدراسیۆنی سه‌رتاسه‌ری په‌نابه‌رانی عیراقی به‌رێخستبوو بۆ به‌رگری
كردن له‌په‌نابه‌رانی كورد و وه‌ستانه‌وه دژ به بریاری گیرانه‌وه‌ی
زۆره‌ملی په‌نابه‌ران بۆ كوردستان دور له‌خواستی خۆیان. رۆژی 8-9 فدراسیۆن
له شاری له‌نده‌ن
و هلسنكی
فنلندا خۆپشاندانیكی ناره‌زایه‌تیان به‌رپاكرد دژ به بریاری دیپۆرت
كردنه‌وه. له له‌نده‌ن خۆپشانده‌ران جاریكی تر روویان كرده به‌رده‌م
وه‌زاره‌تی ناخۆ به‌چه‌ندین درۆشمی جۆراجۆری عیراق و كوردستان نائه‌منه!
مافی
په‌نابه‌ری ومافی نیشته‌جێ بوون به
په‌نابه‌رانی كوردو عیراقی. مافی په‌نابه‌ری مافی ئینسان، نا به‌دیپۆرت نا
به گرتووخانه‌ی ده‌ستبه‌سه‌ر، له‌لایه‌ن خۆپشاندانه‌وه ده‌وترایه‌وه،
نۆینه‌ری چه‌ند رێكخراوی ئینسانی وپه‌نابه‌ری ولایه‌نی سیاسی له‌م
خۆپشاندانه‌دا به‌شداریان كردوه له‌نیو سایت ورۆژنامه‌كانیان هه‌واڵی ئه‌م
خۆپشاندانه‌یان بلاوكردبووه كه تاكاتی ئه‌م خۆپشاندانه ده‌یان په‌یامی
پشتیوانی له‌خواسته‌كانی كه‌مپینی فدراسیۆن له‌لایه‌ن ئه‌ندام په‌رله‌مان
و
رێكخراوه‌كانه‌وه به‌ده‌ست گه‌یشتبوو.
سه‌رتا (ده‌شتی
جه‌مال) به‌رپرسی فدراسیۆن باسی له‌و
كارو
چالاكیانه كرد كه فدراسیۆن ئه‌نجامی دابوو دژ به گیرانه‌وه‌ی
زۆره‌ملی،كه‌نموونه‌ی دیدار له‌گه‌ل (جین لامبیرت) ئه‌ندامی په‌رله‌مانی
ئه‌ورپاو نامه به‌سه‌رجه‌م سكرتیری یه‌كیتی كرێكاریه‌كانی هاتووچوو و
په‌یوه‌ندیه‌كان و ئه‌له‌كتروونی و ژورنالیستان و. . نامه به‌وه‌زیری
ناخۆو وپه‌یوه‌ندی به‌رێكخراوه ئینسانی و ناردنی هه‌واله‌كانی ئه‌م
كه‌مپینه به‌ته‌واوی ناوه‌نده‌كانی میدیاو راگه‌یان تا ژماردنی ئه‌و
خۆپشاندانانه‌ی له شاره‌كانی شه‌فیلدو كاردیف وبرادفۆرد و مانچسته‌رو
نوتین هام به‌ریوه براوه، تا به‌ردانی چه‌ند په‌نابه‌رێك له‌گرتووخانه‌ی
ده‌ست به‌سه‌ره‌كان به‌كه‌فاله‌ت سه‌رئه‌نجامی ئه‌و كار عه‌زیمانه
ده‌وله‌ت له هه‌نگاوی یه‌كه‌می ئه‌م فشاره‌ی ناره‌زایه‌تیانه بریاری
گه‌رانه‌وه بۆ ماوه‌یه‌كی نادیار هه‌ڵده‌واسێ، تا باس له ئه‌وزعی عیراق و
كوردستان،جاریكی تر پیداگری له سه‌ر به‌ده‌سته‌وه گرتنی ده‌ستكه‌وته‌كانی
خۆرێكخستنی په‌نابه‌ران وبه‌رفراوان كردنه‌وه‌ی چالاكیه‌كان تا به‌ده‌ست
هینانی مافی په‌نابه‌ری و مافی نیشته جێ بوون وه‌ك مافێكی بێ ئه‌م لاو
ئه‌ولایه. پاشان (محسن كه‌ریم) په‌یامی حزبی كۆمۆنیستی كریكاری عیراق
ڕێكخراوی به‌ریتانیای بۆ پشتیوانی كردن له خواسته‌كانی په‌نابه‌ران
وكه‌مپینی فدراسیۆن راگه‌یاند له ووته‌یه‌كدا، پاشان (جه‌مال كه‌مانگه‌ر)
له‌رێكخراوی گشتی په‌نابه‌رانی ئیرانی په‌یامی پشتیوانی خۆیان له فدراسیۆن
راگه‌یاند، هاوكات چه‌ند هه‌وڵ نیرو رادیوی به‌ریتانیا چاو پێكه‌وتنیان
له‌گه‌ل خۆپشانده‌ران ئه‌نجام دا. پاشان وه‌فدێكی فدراسۆن پێك هاتبوو له
(ده‌شتی جه‌مال،ئارن كه‌ندانی) روویان كرده هۆم ئۆفیس له‌گه‌ڵ (پیته‌ر)
نۆینه‌ری نیراوی له‌لایه‌ن هۆم ئۆفیسه‌وه گفتووگۆیان كرد (داوای ده‌ست
به‌جێ به‌ردانی گیراوه‌كان و هه‌ڵوه‌شاندنه‌وه‌ی بریاری گه‌رانه‌وه‌ی
په‌نابه‌ران به‌ره‌سمی نه‌ك راگرتنی و داوای كردنه‌وه‌ی مه‌له‌فی
په‌نابه‌رانیان كرد وه‌دانی مافی په‌نابه‌ری و نیشته‌جێ بوون به
گیرانه‌وه‌ی مافه‌كانیان وه‌ك شه‌ره‌وه‌ندێكی به‌ریتانی و هه‌روه‌ها داوای
وه‌لامی نامه‌یه‌ك كه پشتر به‌رپرسی فدراسۆن ئاراسته‌ی هۆم ئۆفیس كردبوو
وه، نزیك به 500 ئیمزای كه خواسته‌كانی (هه‌ڵوه‌شاندنه‌وه‌ی بریاری
گه‌رانه‌وه‌ی په‌نابه‌ران ده‌ست به‌جێ، دانی مافی په‌نابه‌ری
به‌په‌نابه‌رانی كوردو عیراقی به‌عنوانی قوربانیان جه‌نگ ونائه‌منی،
به‌ردانی گیراوه‌كان، گیرانه‌وه‌ی ته‌واوی خزمه‌تگوزرایه‌كانی به
په‌نابه‌رانی تیاهاتبوو) ته‌سلیم به نۆینه‌ری هۆم ئۆفیس كرا، ئه‌وان رایان
گه‌یاند له‌زووترین كاتدا وه‌لامی داواكان ده‌ده‌نه‌وه وفدراسیۆن رای
گه‌یاند كه‌مپینی فدراسۆن راناوه‌ستێ دا به‌ده‌ستهینانی ته‌واوی مافه‌كانی
په‌نابه‌ران.
شایه‌نی باسه هه‌مان
ڕۆژ فیدراسیون له فنلاند هه‌ستا به سازدانی خۆپیشاندانێك بۆ پشگیری كردن
له ماف وداخوازیه‌كانی په‌نابه‌رانی كورد له به‌ریتانیاو راوه‌ستانه‌وه
دژ به‌سیاسه‌ته نائینسانی حكومه‌تی به‌ریتانیا له‌په‌یوه‌ند
به‌ناردنه‌وه‌یان بۆ كوردستانی عیراق. سه‌ره‌تا سكرتاریه‌تی فیدراسیون
ڕاگه‌یاندنێكی له‌سه‌ر كیشه‌ی په‌نابه‌رانی كورد له‌به‌ریتانیا ده‌ركرد به
زمانی فنلاندی و ناردی بۆ ده‌زگاكانی راگه‌یاندن وحزب و ڕیكخراوه سیاسی
وپیشه‌كان و بۆ په‌رله‌مانی حكومه‌تی فنللاند، هه‌روه‌ها ناردنی نامه‌ی
ناره‌زایه‌تی بۆ سه‌فاره‌تی به‌ریتانیا له‌هیلسنكی په‌یوه‌ندی كردن
له‌گه‌لیان له‌په‌یوه‌ند به كیشه‌ی په‌نابه‌ران و بریاری گه‌رانه‌وه‌یان
له‌لایه‌ن حكومه‌تی به‌ریتانیاوه قسه‌وباسی كرد. جێگه‌ی ئاماژه‌یی كردنه
چه‌ندین حزب ولایه‌ن پشتگیری كردنی خۆیان بۆ داواكاریه‌كانی فیدراسیون و
لغوكردنه‌وه‌ی دیپورت كردنه‌وه‌ی په‌نابه‌ران ده‌ربڕی و هه‌روه‌ها هه‌مان
كات كه خۆپیشاندان له ناوه‌ندی شاری هلنسیكی دا به‌رپا كرا له‌پال
بلاوكردنه‌وه‌ی سه‌دان ئه‌وراقی ته‌بلیخاتی به‌هه‌ردوو زمانی فنلاندی
وئیگلیزی هه‌روه‌ها دوو ڕادیوی سه‌رتاسه‌ری چاوپیكه‌وتنیكیان له‌گه‌ل
ریبوار عارف سكرتیری فیدراسیونی سه‌رتاسه‌ری په‌نابه‌رانی عیراقی سازكرد
كه‌به‌وردی له‌سه‌ر بارودۆخی سیاسی عیراق ومه‌سه‌له‌ی ده‌ستوورو نا ئه‌منی
عیراق به كوردستان یشه‌وه قسه‌وباسی كرد و هاوكات په‌ره‌ده‌ی له‌سه‌ر
سیاسه‌تی دژی په‌نابه‌ری حكومه‌تی به‌ریتانیا هه‌لمالی و ئامانجه‌كانی ئه‌م
خۆپیشاندانه‌ی روون كردوه.
ئازادیخوازان
په‌نابه‌ران
پیشره‌وه‌یه‌كانی
ئه‌م ده‌وره‌ی بزوتنه‌وه‌ی په‌نابه‌ری وده‌وروجیگه‌و ڕێگه‌ی فیدراسیونی
سه‌رتاسه‌ری په‌نابه‌رانی عیراقی له هه‌نگاو به‌هه‌نگاوی ئه‌م
پشره‌ویانه‌دا ته‌نها سه‌ركه‌وتنیك و به‌لگه‌نه‌ویستیكه بۆ ئه‌وه‌ی كه
نیشانی ده‌ین كاتیك كه ریزه‌كانی ئیمه ریكخراو یه‌كگرتووبیت و بۆ داكۆكی
كردن له‌ماف و داواكاری یه‌كانی خۆمان بینه مه‌یدان ئه‌وا ده‌كریت و
ئیمكانی هه‌یه كه پاشه‌كشه بكریت به هه‌ر سیاسه‌تێكی دژی ئینسانی.
به‌لام به‌دلنیای پَشره‌ویه‌كانی تا ئیستا ئه‌گه‌ر بیت و به ئه‌نجام
نه‌گه‌یه‌نین و دواین بزمار له تابوتی سیاسه‌تی دیپورت كردنه‌وه‌ی
په‌نابه‌ران نه‌ده‌ین ئه‌وا هه‌ر ساته ده‌كریت و ئیمكانی هه‌یه كه
حكومه‌ت زه‌فه‌رمان بۆ بهینیته‌وه دژه به سیاسه‌ته‌كانی خۆیان بده‌ن.
چونكه راگرتنی سیاسه‌تی ناردنه‌وه به‌مانای لغوكردنه‌وه‌ی سیاسه‌تی
ناردنه‌وه‌ی په‌نابه‌ران نی یه‌و نابیت بۆ ته‌نها ساتیك خه‌بات و تیكۆشانی
خۆمان راوه‌ستنین تا لغوكردنه‌وه‌ی یه‌كجاره‌كی بریاری دیپورت كردنه‌وه‌و
نه‌ك هه‌ر ئه‌مه به‌لكو مسۆگه‌ر كردنی مافی په‌نابه‌ریش بۆ هه‌مووان.
فیدراسیونی
سه‌رتاسه‌ری په‌نابه‌رانی عیراقی له به‌ریتانیا
9 / 9 / 2005
| 
