| |||
|
ئه‌مه تێکستی گۆرانییه‌کی هونه‌رمه‌ند چۆپییه، له لایه‌ن باوکییه‌وه نوسراوه و هونه‌رمه‌ندی به‌توانای کورد کاک بورهان موفتی ئاوازی بۆ داناوه و هونه‌رمه‌ند حه‌مه جاف دابه‌شی کردووه. ئه‌وه‌ی شایه‌نی باسه ئه‌م گۆرانییه چوارچرا (به سه‌رپه‌رشتی شاهۆ ته‌یب) کردویه‌تی به‌کلیپ و له زاگرۆس تیڤیش له‌م هه‌فته‌یه‌دا یه‌ک جار پێشکه‌ش به بینه‌ران کراوه. به‌م زوو له ماڵپه‌ڕی هونه‌رمه‌ند چۆپی داده‌به‌زێت. www. chopy. net . . . . . . . . . . . . . . . . . . . که‌رکووک که‌رکووک ئه‌ی خونچه‌ی هه‌ڵوه‌ریو تاسه‌ی خنکاو، هۆ خۆر نه‌دیو بێنازه‌که‌م خانه‌ی دزراو هۆ خه‌نده‌ی من ئه‌ی کلی چاو ساڵ هاتوو چوو به هێمنی تۆ هه‌ر ده‌زگیرانی منی خۆشه‌ویست و یاری منی تۆ گۆرانی و ده‌نگی منی . . . . . . . . . . . . . . . . . . . . . . . . . . . . . . . . . . دڵداره‌که‌م بابه‌گوڕگوڕ کاتێ هاتم ئه‌گه‌ر وتم بابه‌گوڕگوڕ به‌گوڕ هاتووم بۆ کوڕ هاتووم باوه‌ڕ نه‌که‌ی ئه‌م جاره‌یان بۆ ڕاز هاتوم منداڵێکی برسی و ڕوتم له خووانه‌ی به‌ر ئاگردانت بۆ تین هاتووم، بۆ ژین هاتووم . . . . . . . . . . . . . . . . . . . . . . بابه‌گوڕگوڕ باوانه‌که‌م ئه‌گه‌ر شه‌وێ که‌سێ نامۆ ئه‌گه‌ر به‌ژنێ ماندو و داماو غه‌ریب به چاوه‌کانی تۆ ده‌ست و باسکی نه‌بونه‌وه له گه‌ردنت هات نه‌یتوانی حه‌رفێ بڵێ هه‌ر ورد بوه‌وه له‌جوانی تۆ ئه‌وه منم هاتووم بۆ لات برسی و ڕووت و عاجز و مات لانه‌واز و شڕۆڵه و لات هاتووم لێت ده‌پاڕێمه‌وه هانێ کوڕه‌که‌م به‌ره‌وه هه‌تا مردن مه‌مده‌ره‌وه ته‌نها ڕه‌گی دووبه‌ره‌کیم له ناخه‌وه بۆ ببڕه‌وه . . . . . . . . . . . . . . . . . . . . . . . . . . . . ساڵ هاتوو چوو به هێمنی تۆ هه‌ر ده‌زگیرانی منی خۆشه‌ویست و یاری منی تۆ گۆرانی و ده‌نگی منی ئیحسان فه‌تاح
| |||
