وه‌ڵامێك بۆ سۆران عمر. . . جه‌مال عه‌زیز

سۆران منیش تۆم خۆش ئه‌ویست تاكو ئه‌و كاته‌ی له‌گه‌ڵ برا له‌خۆت بچكۆله‌كه‌ت له‌سه‌ر جاده‌كه‌ی گه‌ڕه‌كی خه‌بات خه‌ریكی بۆری‌و به‌لوعه چاككردن بوویت‌و هه‌میشه ده‌ست به‌دووعا بوویت بۆئه‌وه‌ی كه‌سێك بێت‌و بۆریه‌ك دایس بكا‌ت‌و ئێوه‌‌‌ش 3 دینارتان ده‌ست بكه‌وێ‌و سه‌دجار شوكرانه‌ت بۆ خودائه‌كرد، بۆیه ئه‌‌وه‌ت بۆ‌ئه‌نووسم له‌به‌‌رئه‌وه‌ی كاركردن ڕێزی مرۆڤ زیاد ئه‌كات من دڵنیام ئه‌وكاته ڕێزت زیاتربوو نه‌ك ئێستا كه‌بوویت به‌چاوشۆڕ له‌به‌رده‌م بزووتنه‌وه‌ی ئیسلامی، نه‌‌‌‌‌‌‌‌‌‌ك ته‌نها ئێمه‌ به‌‌ڵكو تۆش ئه‌زانی بزووتنه‌وه چیه‌و چۆن درووست‌بووه‌و بۆچی مه‌به‌ستێك كارده‌كات.

سۆران عمر ڕاست ناكه‌یت هه‌رگیز (حمه سعید حسن) ت خۆش نه‌ویستووه له‌به‌رئه‌وه‌ی به‌‌ڕێز حمه سعید له‌مێژه ده‌ستی گڵاوی ئێوه‌و عابایی چڵكنی سه‌رشانتانی له‌خۆی دوور خستۆته‌وه دڵنیابه ئه‌وسه‌رده‌مانه تۆ‌‌چاوت نه‌پشكوتووبوو.

سۆران ئه‌‌وداخه‌ی له‌دڵتایه هۆی ئه‌وه نیه حمه سعید حسن نووسه‌ری بنه‌ماڵه‌یه!! داخی ئه‌و شه‌رمه‌زاریه‌یه كه‌به‌ڕێزحمه سعید حسن له‌ڕێگه‌ی كۆڕو سیمیناره‌وه به‌سه‌رئیسلام‌وئیسلامیه‌كانیا هێناوه ئه‌وداخه‌یه له‌دڵتا كه‌به‌ڕێز حمه سعید حسن به‌هه‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌وڵ‌وكۆششی به‌رده‌وامی توانیویه‌تی ناوی ئه‌و 21 ژنه‌ی محمد بنووسێ كه‌‌شه‌رمه‌زاریه بۆتۆو بۆ پێشه‌واكه‌ت له‌جیاتی كۆكردنه‌وه‌ی،، پول،، محمد ژن كۆئه‌كاته‌وه.

سۆران بۆ داخ له‌دڵ ئه‌بیت كاتێك چه‌ندان ڕۆشنبیر هاوده‌نگ له‌گه‌ڵ به‌ڕێز حمه سعید حسن هه‌رچی پۆخڵه‌واتی ژێر به‌‌ڕه‌‌‌یه ئاشكرای ئه‌كه‌ن‌‌و مرۆڤی كورد له‌‌تاوان‌و خراپه‌كانی ئیسلام ئاگادار ئه‌كه‌نه‌وه، بۆ ئه‌ته‌وێ له‌ڕاستیه‌كان نه‌‌گه‌یت یان بۆ دڵگران ئه‌بیت بۆ ئه‌و كاره‌نیشتیمانیه‌ی كه‌تۆ بۆتناكرێ‌و خه‌ڵكانی ڕۆشنبیر به‌ئه‌نجامی ئه‌گه‌یه‌نن،، ئێوه‌ی ئیسلامی پڕوپاگه‌نده‌‌ی ئه‌وه‌ناكه‌ن هه‌ركه‌سێك برایه‌كی هاوزمان له‌کرده‌وه‌ی خراپ دوورخاته‌وه جێگه‌ی به‌هه‌شته كاكه‌برا من‌ دڵنیات ئه‌كه‌مه‌وه كه ‌به‌ڕێز حمه سعید حسن ئه‌و به‌هه‌شته‌ی ئێوه‌ی ناوێت‌و دایبنێن بۆخۆتان.

سۆران عمر باش بزانه به‌ڕێز حمه سعید حسن ئه‌یه‌وێت به‌ده‌نگی به‌رز هاوار بكات و بڵێت هۆ گشت ئازادیخوازانی دنیا ئه‌وه نه‌ته‌وه‌كه‌ی من نیه ژن بێڕێزئه‌كه‌ن ئه‌وه ‌نه‌ته‌وه‌كه‌ی من نیه كه‌زانست‌و ته‌كنه‌لۆژیا ڕه‌ت ئه‌كه‌نه‌‌وه‌و دژی هه‌موو شتێكی جوانن به‌ڵكو ئه‌وه كلتورێكی بۆگه‌نی دا‌ڕزیووی پێش 1400 ساڵه كه‌به‌زۆری شمشێر داسه‌پاوه به‌سه‌ر كوردی هه‌ژاره.

سۆران عمر به‌رێز حمه سعید حسن ئه‌یه‌وێت به‌خه‌ڵكانی ئازادیخواز،،بێجگه‌له‌تۆ،، بڵێت عبدولخالق‌‌و چه‌ندانی وه‌ك عبدولخالق به‌عس‌و نوێنه‌ره‌‌كه‌ی كه‌بزووتنه‌وه‌یه له‌كوردستان تیرۆریان كرد ته‌نها تاوانی ئه‌و كه‌‌ڵه پیاوه زانایه‌ی كورد ئه‌وه‌بوو هه‌قی ئه‌وت.

سۆران ببوره كه‌بڵێم من ئه‌زانم خه‌ڵاته‌كه‌ت چیه - هه‌رچه‌ندمن وه‌ك تۆ فاڵگره‌وه‌نیم به‌ڵام ئه‌زانم خه‌ڵاتێك لای تۆوه‌ بێت پێشكه‌ش بكرێت به به‌ڕێز حمه سعید حسن ته‌نها چه‌ند گولله‌یه‌كه یان هه‌ندێك ته‌قینه‌وه یان سه‌ربڕینه له‌به‌رئه‌وه‌ی گه‌لێك كه‌سی ڕۆشنبیرتان به‌و جۆره خه‌ڵات كرد پێش ئه‌م خه‌ڵاته‌ش كه‌بۆ پسپۆڕێكی بواری ئیسلام ناسیتان داناوه هه‌رچه‌نده باوه‌‌ڕ ناكه‌م كه‌سێك هه‌‌بێت له‌و هه‌موو كه‌‌ڵه نووسه‌ره‌ی كه‌‌‌له‌دنیا به‌گشتی‌و له‌كوردستان به‌تایبه‌تی هه‌ن‌و له‌سه‌ر ئیسلام‌و ده‌رهاویشته خراپه‌كانی ئیسلام ئه‌‌نووسن چاوه‌ڕوانی ئه‌وجۆره‌خه‌‌‌‌‌‌ڵاتانه‌ی ئێوه‌ نه‌بێت چونكه به‌داخ و كه‌سه‌رێكی زۆره‌وه ئێوه زمانی گفتوگۆ نازانن.

سۆران عمر دڵنیابه ئه‌وهه‌مووسامناكیه‌یی له‌كوردستان‌و دنیا هه‌تانه ناگه‌ڕێته‌وه بۆ ئه‌وه‌ی خاوه‌ن مێژوویه‌كی پاك‌و گیانێكی لێبوورده‌ی بن به‌ڵكو ئه‌گه‌ڕێته‌وه بۆ سه‌رچاوه لێڵه‌كه‌ی كه‌‌‌‌‌ دینه‌كه‌تانه چونكه‌وافێری كردن هه‌‌‌‌‌‌رچی گوڵێكی جوانتان بینی هه‌ڵیپچڕوقێنن، هه‌رچی ووشه‌ی جوان‌و دروستكه‌ری خۆشه‌ویستی بێت له‌گه‌رودا بیتاسێنن من دڵنیام ئه‌گه‌ربا‌ڵنده‌یه‌ك له‌‌ئاسمانی كوردستان تیرۆربكرێت ئه‌وه ده‌ستی تۆو نموونه‌كانی وه‌ك تۆی تێدایه له‌به‌رئه‌وه‌ی ئێوه‌چاوتان له‌به‌ر ڕوناكی هه‌ڵنایه. . .

تێبینی،،سۆران دڵنیابه هه‌ركه‌سێكی تر ئه‌و بابه‌ته‌ی تۆی له‌سه‌ر به‌ڕێز حمه سعید حسن بنووسیایه هه‌رگیز من وه‌ڵامم نه‌بوو بۆی به‌ڵام ئه‌م وه‌ڵامه بۆ ئه‌وه‌یه من ئه‌زانم تۆ كێیت‌و بۆ ئه‌و نووسینه‌ت نووسیوه ته‌نها هۆكاریش ئه‌وداخه‌یه ‌له‌دڵتا چونكه بزووتنه‌وه‌یت. . .