من و تۆ ... دانا مسته‌فا

 

من و تۆ و باڵنده‌ و ده‌ریا. . .

من و تۆ و مانگ و ئه‌ستێره‌. .

به‌یه‌كه‌وه‌،

به‌ره‌و به‌هه‌شت ئه‌كه‌وینه‌ ڕێ

له‌ڕێی ئه‌م كاروانه‌ی ئێمه‌یا

كه‌ من و تۆ سه‌رقافڵه‌كه‌یین

گوڵێك

نه‌ك ته‌نها هه‌ر گوڵێك

به‌ڵكو هه‌زاران گوڵی جوان

دێنه‌ ناوكاروانه‌وه‌. . .

له‌گه‌ڵ هه‌زاران په‌پوله‌ی باڵ نه‌خشین و

ده‌یان خه‌ونی ڕه‌نگ په‌مه‌یی

عاشقانی ئه‌م سه‌رده‌مه‌. .

پێكه‌وه‌ هه‌ر هه‌موومان به‌ره‌و ئه‌وێ هه‌نگاو ئه‌نێیین

بۆ به‌هه‌شتی ئه‌م دونیا

نه‌ك ئه‌و دونیا

ئه‌وه‌ نا له‌ قورئانا باس كراوه‌

به‌ڵكو ئه‌م به‌هه‌شته‌ی ئێمه‌

به‌ ئاوازی كه‌ناری و بول بول و

جریوه‌ی ئه‌ستێره‌و

جوانی ده‌ریاو

تریفه‌ی مانگه‌ شه‌و نه‌خشێنراوه‌. . . . . . . . . .