|
ڕاپه‌ره له‌خه‌وی خۆش سه‌رسه‌خت. . . . !!!! ... خاڵه حه‌مه
ئێمه‌ی سه‌رسه‌خت و
نه‌گبه‌ت هه‌ر ووتومانه (خۆزگه‌مان به‌پار) ئه‌م په‌نده چۆک و دڵی
هه‌موومانی وه‌ک شه‌قشه‌قه له‌رزاندوه‌و چاوه‌ڕوانی گۆڕڕانی سروشتی و
بارانی (ڕه‌حمه‌ت) مان کردوه. ئێمه‌ی بێ چاره‌و کوێر هه‌ر چاوه‌ڕوان بوین
کورسی ده‌سه‌ڵاتی نه‌گۆڕ بگۆڕڕێ و چه‌ند کورسییه‌کی شه‌قوشڕی ژه‌نگاویش
بدرێت به‌ئێمه ساله‌به‌ر ده‌رگا بێت یاخود به‌رامبه‌ر ئه‌و ژوورانه‌بێت
که نه‌وه‌کانی کوردیان تیائه‌شکه‌نجه‌ئه‌دان و به‌ره‌و سێداره‌یان
ئه‌بردن. .
ئێمه‌ی بێدۆست
وکه‌مفام بۆ له‌مه‌ودوا ئه‌بێت بڵێن نه‌فره‌ت له‌پار
چونکه
ساڵێکی شووم بوو به‌ده‌ستی خۆمان نامه‌ی دروستبونه‌وه‌ی عێراقێکی
خوێناویمان مۆر کردو هه‌رچی گێل و نه‌ته‌وه‌په‌رستی عه‌ره‌ب هه‌یه. هه‌رچی
هه‌رچی و په‌رچی و کوڕه بێ باوکه‌کانی عه‌ره‌ب هه‌یه زاڵمان کردن به‌سه‌ر
نه‌ته‌وه‌په‌رستی نیشتمانه‌که‌ی خۆمانداو له‌خۆمانمان ڕاستکردنه‌وه‌و
داوای مافیان لێده‌که‌ین. ئای که‌شه‌رمه ئه‌وهه‌ڵه‌یه به‌سه‌رکه‌وتن
بزانین. ئای که‌شه‌رمه جارێکیتر له‌گه ڵ به‌عسیه‌کاندا ده‌ست تێکه‌ڵاو
بکه‌ین. بۆ دواجاریش ئای که‌شه‌رمه 43 ساڵ نه‌گبه‌تی و ماڵوێرانی و زیندان
و سێداره‌و ئه‌نفال و کیمیایی باران و گۆڕه به کۆمه‌ڵه‌کانمان له‌یاد
بچێت. . هه‌روه‌ها شه‌رمتره ئه‌گه‌ر ئه‌مساڵ له ووڵاتێکی وێرانی وه ک
ئه‌مڕۆی عێراقدا نه‌توانین مافه‌کانی خۆمان بستێنین. بێ ئابڕوییشه
گه‌رتۆزقالێک خاکمان لێ زه‌وت بکه‌ن و سنوری خۆشمان جیانه‌که‌ینه‌وه. .
هیچ له‌گه‌ڵ ئه‌م دڵڕه‌شانه ناوترێ و ناکرێت و چاوی کوتوکوێریان به‌کورد
هه‌ڵنایه‌ت. .
ڕاپه‌ره‌له‌خه‌وی خۆش
تاده‌ستور نه‌نوسراوه‌ته‌وه و قوڕێکی خه‌ستتریان بۆنه‌گرتوینه‌وه.
خاڵه‌حه‌مه/17/8/2005 دانمارک | 
