به‌باش زانرا له‌هه‌ولێر له‌بری رێپێوان. كۆبونه‌وه‌ی جه‌ماوه‌ری سازبدرێت ... ئاسۆحه‌مید

بۆپشتگیری كردن له‌چه‌سپاندنی مافه‌كانی گه‌لی كوردستان كه‌ئێستا سه‌ركردایه‌تی سیاسی كوردستان به‌سه‌رۆكایه‌تی به‌رێز (مه‌سعودبارزانی) سه‌رۆكی هه‌رێم وشانده‌ یاوه‌ره‌كه‌ی گفتوگۆی سیاسی له‌باره‌وه‌ ئه‌نجام ئه‌ده‌ن. وابریاره‌ ئه‌مرۆ یه‌كشه‌ممه‌ 14/8 له‌شاره‌كانی كوردستان بزوتنه‌وه‌ی ریفراندۆم رێپێوانێكی جه‌ماوه‌ری سازبدا. سه‌رچاوه‌یه‌ك له‌بزوتنه‌وه‌كه‌ له‌شاری هه‌ولێر به‌سایتی یه‌كگرتووی راگه‌یاند: وا به‌باش زانرا له‌هه‌ولێر له‌بری رێپێوان. كۆبونه‌وه‌ی جه‌ماوه‌ری سازبدرێت. شایانی باسه‌ چه‌ندرۆژێكه‌ بانگه‌شه‌بۆ ئه‌م كۆبونه‌وه‌ ده‌كرێت هه‌رله‌و میانه‌شدا رۆژی هه‌ینی له‌خوتبه‌ی نیوه‌رۆ زۆرێك له‌مه‌لاكان داوایان له‌ هاوولاَتیان كرد له‌و كۆبونه‌وه‌یه‌ به‌شداربن وه‌ك ئه‌ركێكی ئاینی و نیشتیمانی بۆ پشتگیری كردن له‌ مافه‌كانی گه‌لی كوردستان. وابریاره‌ هه‌ر ئه‌مرۆ كاتژمێر (6) ی ئێواره‌ له‌ یاریگای نێو ده‌وڵه‌تی هه‌ولێر ئه‌و كۆبونه‌وه‌ جه‌ماوه‌ریه‌ به‌ئاماده‌ بونی جه‌ماوه‌رو لایه‌نه‌ سیاسی و سه‌ندیكاو ریكخراوه‌كان به‌رێوه‌ بچێت.