پشکۆم ... سارا کیانفه‌ڕ

 

پشکۆم. پشکۆی ئاوره‌ زه‌رده‌که‌ی ئاورگای 22 قه‌ڵای مادانم.

ده‌توێنمه‌وه‌. مێشکه‌سه‌ری زۆحاکه‌کان.

هێز و پشتیوانم بۆ لاوه‌کانم.

پشکۆم. پشکۆێ له ئاوره‌ زه‌رده‌که‌ی ئاورگای 22 قه‌ڵای حه‌وزه‌گه‌وره‌م

پشکۆم. پشکۆێ له ئاوره‌ زه‌رده‌که‌ی ئاورگای 22 قه‌ڵای شاریکه‌ند و بۆکانم.

هاوشار و ئاوکه‌نم.

پشکۆم. پشکۆێ له‌و ئاوره‌ زه‌رده‌م.

چه‌شنی بورکان پڕشک ده‌هاوێژم.

قاو ده‌ده‌م هێزی داگیرکه‌ران.

ته‌فر و توونای ده‌که‌م له‌شکری نه‌یاران له‌ خاکی کوردستانم.

به‌ سه‌مبولی ده‌وڵه‌تی نه‌ورۆزمه‌وه‌ دێم و

هه‌واڵی به‌یانی ئازادی دێنم بۆ نه‌ته‌وه‌ی کوردم

نه‌وه‌ی نه‌ته‌وه‌ی مه‌دیا و که‌ی‌خوسره‌وانم.

21-3-2003

5 به‌یانیکاتژمێری

Hawan_90@hotmail. com