كسیه‌ڵ بۆ ئێمه‌و ئاسكیش بۆ ئه‌وان؟! ... ئاسۆعه‌بدولله‌تیف
 حكومه‌تی هه‌رێم حه‌قیه‌تی شانازی به ئاوه‌دانكردنه‌وه‌ی كوردستانه‌وه
بكات و هه‌رشه‌وه‌ی ببینین به‌ردی بناغه‌یه‌ك به‌پێكه‌نینه‌وه دابنرێت و
ده‌یان خوشكی وه‌كو سه‌بریه‌و قه‌دریه‌ش به‌په‌له له برساندا ببرێنه
نه‌خۆشخانه. پاره‌ی هائیلی زۆریشیان ته‌خشان و په‌خشانكردوه‌و هه‌ر
باشیشه له‌نێوه‌ندی ئه‌و بیرۆكراسیه‌ت و گه‌نده‌ڵباشیه‌دا حكومه‌ت
ئه‌وهه‌نگاوانه ئه‌هاوێت به‌ڵام جیاوازیه‌كانی ئاوه‌دانكردنه‌وه
ئه‌وه‌نده زۆرن حكومه‌ت چاوی له ئاستا ئه‌نوقێنێت وه‌كو چۆن نوقادوێتی
له‌ئاست به‌عسیه‌كی جه‌بانی كوژراوو بۆماشمان ئه‌كاته شه‌هیدی پێشمه‌رگه‌و
سه‌نگه‌رو كه‌سیش ناتوانێت قسه‌یه‌ك بكات؟!
خه‌ڵك حه‌قیه‌تی بپرسێت حه‌ره‌كه‌تی عیمرانی له ناوچه‌كانی كۆیه‌و چوارتا
كه‌به‌نمونه ئه‌یانهێنمه‌وه یاخوا پیرۆزیان بێ هه‌ڵه تێمه‌گه‌ن. بۆچی
وه‌كو ئاسك و تیشك رِێ ئه‌كات و ئه‌وه‌ی هه‌ڵه‌بجه‌و رانیه‌ش وه‌ك كیسه‌ڵ و
موعتاده‌كانی سه‌ر جاده؟! ئه‌ڵێن خانوه‌كانی هه‌ڵه‌بجه بۆ ساڵی سێ هه‌زار
ته‌واو ئه‌بێت. حیزبیه‌ك پێی ووتم هه‌ڵه‌بجه ئه‌كه‌ینه به‌هه‌شت! به‌ڵام
نه‌مزانی كام به‌هه‌شت تۆ بڵێی دۆزه‌خه‌حیزبیه‌كه نه‌بێت؟ به‌ڵام نه‌ی ووت
كه‌ی و چۆن؟!
ئه‌گێرنه‌وه جارێكیان یه‌كێك له موعتاده‌كانی مه‌یدان ئازادی تاران به
سێ مانگ ئه‌په‌رێته‌وه ئه‌و به‌ر جاده بۆ لای ره‌فیقه‌كه‌ی. كه
ئه‌گاته‌جێ ره‌فیقه‌كه‌ی مه‌ستانه پێی ئه‌ڵێ ئه‌وه له كه‌یه‌وه
به‌رێگاوه‌ی ئاغاجان ئه‌ویش ئه‌ڵێ باوه‌ربكه سێ مانگه به‌رێوه‌م
ره‌فیقه‌كه‌شی باوه‌ر ناكاو به‌مه‌زاح و سه‌ر سورمانه‌وه ئه‌ڵێ بۆ
ته‌یاره‌ی سیخۆت پێ بوو ئاغا!!
ئاخر دروستكردنی باڵه‌خانه‌ی گه‌وره‌و ته‌لاری حكومی و رۆشنبیری و خانوی
هه‌مه‌جۆروگۆره‌پانی یاری تاتان ومه‌له‌وانگه. بۆ له‌ناوچه‌یه‌كدا
ئه‌وه‌نده پرۆسه‌یه‌كی خێراو به‌گورِه و له ناوچه‌یه‌كی تریشدا ساردو
سرِ وه‌كو ده‌می مردوو.
من پێشتر عیلله‌ته‌كه‌یم له شه‌كره تاڵه‌كه‌ی هه‌وڵدا باس كردبوو.
ئاوه‌دانكردنه‌وه بۆ ناوچه‌یه‌ك كه ئه‌ندامی مه‌كته‌ب سیاسیان هه‌یه
ئه‌وه‌نده چالاك و زۆره‌و له‌ناوچه‌یه‌كی وه‌كو هه‌ڵه‌بجه‌و رانیه‌شدا كه
بێكه‌سه خاو خاو ئه‌رِوات یان هه‌ر وه‌ستاوه. كاتێ دروستیش ئه‌كرێت وه‌ك
سواڵمان پێ بكه‌ن ئه‌وه‌نده كه‌مه دونیا تێئه‌گه‌یه‌نن و دوژمنایه‌تی له
نێوان خێزان و بنه‌ماڵه‌و دراوسێكان له‌لایه‌ك و كاربه‌ده‌ستان له‌لایه‌كی
تر ئه‌خوڵقێنێت. ئه‌گه‌ر حكومه‌ت حكومه‌تی خه‌ڵك بێت و ده‌ستكه‌وتی خوێنی
شه‌هیدانیش بێت ئه‌بێ یه‌كه‌م هه‌نگاوی حكومی نه‌هێشتن و كاڵكردنه‌وه‌ی
ئه‌و جیاوازیه ئاواكاریه‌بێت كه شارێك به‌كه‌لاوه‌یی ئه‌هێڵێته‌وه‌و
ده‌شتێكی وشك وكاكی به‌كاكیش ئه‌كاته سلێمانی و هه‌ولێر. له‌شارێك ده‌یان
دوبه‌ره‌كی و نه‌خۆشی ده‌رونی دروست ئه‌كات و بۆ ته‌نها خانویه‌ك سیلمان پێ
ئه‌كه‌ن و له شارێكی تریش ڤێلا ئه‌كاته خه‌ڵات. دواجار رانیه بۆ ئه‌م
ناعه‌داله‌تی و گه‌نده‌ڵباشیه‌ی حكومه‌ت. بۆ ئه‌م به‌رپرسه خه‌مخۆرانه
ببورن خاوخۆرانه! ناره‌زایی خۆیان ده‌ربرِی و ئافه‌رین بۆ جورئه‌ت و
لێهاتنتان. نۆره‌ی هه‌ڵه‌بجه‌یه ده‌ی قوربانی جوڵه‌و جورئه‌تتان بم توخوا
قبوڵی مه‌كه‌ن ئیتر به‌رپرسه‌كان یاری به عاتیفه‌و ویژدانتان بكه‌ن.
| 
