شه‌ڤه‌ك ژ شه‌ڤێن پراگ ... نه‌جیب باڵایی... ژ بو گیانێ شه‌هیدێ نه‌مر
قاسملوی
د شه‌ڤه‌كا
رومانسی دا
دناڤ روناهیێن
ره‌نگین.
ئو ل گه‌ل
له‌یزوكا داڤێن كه‌زیان
د سه‌مایه‌كا
سه‌رژێكری دا
د ناڤ ده‌رزێن
به‌ڵاڤبونا
ئاوازێن
سه‌مفونیا قادر دیڵانی دا
من وێنه‌یێ ته
ددی. . .
د ناڤ په‌رچه‌یێن
كریستالی دا
د جامخانه‌یێن
خوه‌زا ژێ دباری
ئو بێهنا ئاخا
وه‌ڵات ژێ دهات
من گوستیڵا
ده‌زگرتیا ته.
یا تو
نه‌گه‌هشتیێ ددی. . .
ئو د جاده‌یێن ڤی
باژێرێ مه‌رجاناندا
لسه‌ر تابلویێن
دیروكی
من شوپا
گه‌ریانێن ته ددی. . .
د
قه‌هوه‌خاناندا. یێن كورسیێن وان
ژ دارێ چنارێن
ئورمیێ.
بێهنڤه‌دانێن ته
د په‌یڤیین
ئو لسه‌ر مێزا
بیرئانینان.
خوه‌لیا جگارا
ته ل ور بو
د شانویێن كومیدی
یێن ڤی باژێری دا.
كه‌نیا ته
هه‌بوو
ئو د یێن تراژیدی
دا.
گریا ته هێژی
بارنه‌كر بوو
د شه‌مه‌نده‌فرا
سه‌فه‌رێن ته یێن بێ داوی دا
كورسیا ته یا
سور ڤاڵا مابوو
د
ئه‌نتیكه‌خانه‌یا ڤی باژێری دا
ل ئاله‌كی
كه‌زییێن كه‌مانا دیڵانی
ئو ل ئالێ دن.
جلێن ته
یێن ژ ره‌نگێ
برینا ئازادیێ
د هه‌ڵاویستی
بوون
ژ دیروكه‌كا
بخوین.
بهاره‌كا بێ
ئه‌ڤین و پاییزه‌كا خه‌موه‌رین. خه‌به‌رددان
د مۆزه‌خانه‌یا
له‌شكه‌ری. یا ڤی باژێری دا
سێ قالكێن
گولله‌یێن بێبه‌خت هه‌بوون
ل په‌راڤێن چه‌مێ
ڤلتاڤا
رۆینشتنێن ته.
سه‌یران و جڤینێن ته
جلنڤێژا خوه
رایێخست بوون
په‌رستگه‌ها وان
ژی. خاكا وه‌ڵات
ئو ئازادیا رۆژا
تو لبه‌ندێ بوی
لێ ێ ێ هه‌ی هۆ.
. .
سه‌فه‌رێن ته
یێن درێژ
هیڤیێن ته یێن
بێ داوی
ئو گوڤه‌ندا ته
به‌رنه‌ددا
ب سێ گولله‌یێن ژ
جه‌هنه‌ما
كه‌ڤۆكوژ ب داوی
هاتن. .
ئو ب داوی
ناهێن!!!
**********
شه‌مه‌نده‌فرا
پراگ-به‌رلین
8-2-2003
