|
عه‌فوت فه‌رموو ئاغای جه‌عفه‌ری ... مه‌لا عه‌بدوللا مه‌لا سه‌عید گرتكی
ئاغای جه‌عفه‌ری سه‌رۆك وه‌زیرانی عیراق هه‌ر لێدوانێك بدات و هه‌رچی بیلێت
نابێت ئێمه وه‌كو كورد پێمان سه‌یر بێت چونكه به‌و ماوه‌یه كه‌مه‌ی كه
سه‌ره‌ك وه‌زیرانی عیراقه هه‌موو هاولاتیه‌كی كورد شاره‌زایی بووه كه
عه‌ره‌بێكی شۆفینیه و به بیرێكی ته‌سك بیر ده‌كاته‌وه و هه‌ول ده‌دات
سیاسه‌تی حزبه ئیسلامیه‌كه‌ی له عیراقی ئیمرۆدا جێ به‌جێ بكات. ئه‌م
سه‌فه‌ره‌ی دوایی جه‌عفه‌ری بۆ برۆكسل و واشنگن و لندن و كوێت كۆمه‌لی
لێدوانی سه‌یری دا وه‌ك جارانی تر شعوری كوردی بریندار كرده‌وه وه‌ك
ئه‌وه‌ی وا هه‌ست ده‌كات كه‌بێ هاوپه‌یمانیه‌تی كوردستان گه‌یشتووته ئه‌م
پله و پایه‌یه. من باس له هیچ كام له‌م لێداوانه سه‌یر و سه‌مه‌رانه
ناكه‌م و نامه‌وێت ولامی بده‌مه‌وه. به‌لام زۆر سه‌یرو گالته‌م به
لێدوانێكی ئه‌م به‌رێزه هات كه بۆ رۆژنامه‌ی (تایمز) ی لندنی رۆژی 27/6
ـــــه‌وه فه‌رمووبوی (عیراق ولاتێكی عه‌ره‌بیه) . نازانم له‌بیری
چووته‌وه كه له یاسای كاتی به‌رێوه‌بردنی ده‌وله‌ته‌وه كه‌خۆی ئیمزای
له‌سه‌ر كردووه چۆن پێناسه‌ی عیراقی كردووه!!! ئه‌ی نه‌گوتراوه (ته‌نها
گه‌لی عه‌ره‌ب له عیراق به‌شێكه له‌نه‌ته‌وه‌ی عه‌ره‌ب) ! وه وابزانم
كه‌س له ئاماده‌بووانی لێدوانه‌كه جورئه‌تی نه‌كردوه پێ ی بلی ( (ئه‌مه
ج ده‌وله‌تێكی عه‌ره‌بیه كه سه‌رۆكه‌كه ی و جێگری سه‌رۆك وه‌زیرانه‌كه‌ی
و وه‌زیری ده‌ره‌وه‌و كۆمه‌لی وه‌زیری كارای حكومه‌ته‌كه‌ت و جێگری سه‌رۆكی
په‌رله‌مان و 27% ی ئه‌ندامانی په‌رله‌مان عه‌ره‌ب نه‌بن) ) به شێوه‌یه
چۆن ده‌لێت (عیراق ولاتێكی عه‌ره‌بیه) و به ده‌وله‌تێكی عه‌ره‌بی
له‌قه‌له‌می ده‌دات. . . عه‌بیه. . . شوره‌یی یه كه له عیراقی نوێ باس
له عروبه‌و عه‌ره‌بچیایه‌تی بكرێت! وه ناشزانم ئه‌م سوكه لێدوانه‌ی
جه‌عفه‌ری به جی لێك بده‌ینه‌وه. ده‌بێ ئه‌مه‌شیان وه‌ك مه‌سه‌له‌ی سوێند
خواردنه‌كه نه‌بێت!!!
Mala_2004_59@yahoo. com
| 
