تۆنی بلێر شه‌ری تیرۆری برده‌وه‌. . . مه‌ریوان نه‌قشبه‌ندی

 

هه‌موو چاوه‌رِێ بوین له‌وه‌ڵامی هێرشه‌كانی ئه‌م چه‌ند رۆژه‌ی رابردووی شاری له‌نده‌ن. تۆنی بلێری سه‌ره‌ك وه‌زیرانی به‌ریتانیا وه‌ك جورج ده‌بلیو بوشی سه‌رۆكی ئه‌مریكا دوای هێرشه‌كانی 11ی سێپتیمبه‌ر بكات و ئه‌گه‌ر پێی نه‌كرا وه‌ك ئه‌مریكا چه‌ند رژێمێكی ئیسلامی و دكتاتۆری له‌جیهاندا برِوخێنێت. ئه‌وا شاڵاوێكی ره‌شبگیری دژی موسڵمانانی وڵاته‌كه‌ی و گوشارێكی دبلۆماسی و سیاسیش دژی وڵاته‌ ئیسلامیه‌كان ئه‌نجام بدات.

به‌ڵام تۆنی بلێر نه‌ك هه‌ر ئه‌مانه‌ی نه‌كرد به‌ڵكو له‌ وتارێكیدا له‌به‌رده‌م په‌رله‌مانی وڵاته‌كه‌یدا له‌11/7/2005 گوتی:ئه‌وانه‌ی كاره‌ تیرۆرستیه‌كانیان ئه‌نجامدا له‌ ئاینی ئیسلام تێنه‌گه‌یشتون و هه‌رگیز ئیسلامه‌ راسته‌قینه‌كانی به‌ریتانیا رازی نابن خوێنی هاووڵاتیه‌ مه‌ده‌نیه‌كانی وڵاته‌كه‌یان به‌خۆرایی برِژێت و دڵنیام موسڵمانه‌كانی به‌ریتانیا وه‌ك هه‌ر به‌ریتانیه‌ك. ئاسایش و شارستانیه‌تی ئه‌م وڵاته‌ی مه‌به‌سته‌ و من شانازی به‌ موسڵمانانی به‌ریتانیاوه‌ ده‌كه‌م. ئه‌م لێدوانه‌ی بلێر به‌ هه‌ڵوێستێكی حه‌كیمانه‌ی پشتئه‌ستوره‌ كه‌ فه‌رمانیداوه‌ هیچ موسڵمانێكی ئه‌مریكی وه‌ك كاردانه‌وه‌ و دڵگه‌رمی به‌رامبه‌ر ئه‌و كاره‌ تیرۆرستیه‌ی شاری له‌نده‌ن. ده‌ستگیر نه‌كرێت و فه‌رمانیشیدا پاسه‌وان و پارێزگاری زیاتریش له‌ ناوچه‌ موسڵماننشینه‌كانی به‌ریتانیا دابنرێت تا هیچ كه‌س نه‌توانێت كرده‌وه‌یه‌كی تۆڵه‌سه‌ندنه‌وه‌ دژی هاووڵاتیه‌ موسڵمانه‌كانی به‌ریتانیا ئه‌نجام بدات.

له‌جیاتی ئه‌وه‌ بلێر داوای له‌ به‌رپرسانی حزبی و حكومی وڵاته‌كه‌ی كرد به‌چاوی سۆزداری و مرۆییه‌وه‌ سه‌یری موسڵمانه‌كانی به‌ریتانیا بكه‌ن و وه‌ك ته‌حه‌دداكردنێك به‌رامبه‌ر تیرۆرستان. رۆژی دوشه‌ممه‌ (11/7) زۆربه‌ی به‌رپرسانی حكومه‌ته‌كه‌ی بلێر به‌ شه‌مه‌نده‌فه‌ر و ئوتومبیلی هاتوچۆی هاووڵاتیان له‌گه‌ڵ خه‌ڵكی ئاسایی شاری له‌نده‌ندا برِۆن بۆ سه‌ركاره‌كانیان و هیچ پاسه‌وانێكیشیان له‌گه‌ڵدا نه‌بێت. ئه‌م هه‌ڵوێسته‌ جگه‌ له‌وه‌ی جه‌ماوه‌ری تۆنی بلێر و حكومه‌ته‌كه‌ی له‌لای به‌ریتانیه‌كان و له‌لای جیهانی ئیسلامی زیاد و گه‌وره‌تر كرد. له‌هه‌مان كاتیشدا وره‌یه‌كی ئێجگار زۆری به‌ خه‌ڵكی به‌ریتانیا دا و موسڵمانه‌كانی به‌ریتانیاشی هێنایه‌ سه‌نگه‌ری هاوپه‌یمانیه‌تیه‌ نێوده‌وڵه‌تیه‌كه‌ی كه‌ دژی تیرۆری جیهانی له‌گه‌ڵ ئه‌مریكا دروستیان كردوه‌ و له‌وانه‌شه‌ ئه‌م هه‌نگاوه‌ی بلێر سه‌ره‌تایه‌ك بێت بۆ سه‌ركه‌وتنی نزیكی له‌شه‌رِی تیرۆردا.

Mariwan_na@yahoo. com