|
له‌ساڵیادی (نێوه‌ند) دا له‌به‌رده‌م دواپه‌یام وهه‌ڵوێست؟! ئامانج
عه‌بدوڵا سور
رۆژنامه‌ی نێوه‌ند
مێودێۆمێكی رۆشنبیری و زانستی فراوانه كه‌له‌ماوه‌ی ساڵێك دا
به‌شێوه‌یه‌كی خێرا له‌گه‌ڵمان دا ئاشنابوو كارگه‌یشته ئه‌وه‌ی به (20)
لاپه‌ره ی ره‌نگاڵه و تیراژی بگاته (2000) ژماره. چونكه ئه‌م
رۆژنامه‌یه فه‌زایه‌كی ئازادی خولقاندبوو هاوكات هه‌رگیز له‌سه‌ركلتوری
نه‌خشاندنی وێنه‌ی قاره‌مانی كاری نه‌ئه‌كرد وده‌نگۆوهه‌واڵه‌كانیشی
دووربوون له‌هه‌ڵبه‌ستن و وبگره ببوه سه‌رچاوه‌یه‌كی خه‌به‌ری وورد و
باوه‌ری زمانی ته‌شریفات نه‌بوو. له‌زیاترینی ئه‌ورۆژنامه پربایه‌خانه‌بوو
كه‌له‌ریزی پێشه‌وه‌یه بۆ كاركردن له‌سه‌رمه‌سه‌له نه‌ته‌وه‌ییه‌كان.
دواجار له‌مه‌ودای سایكۆلۆژی خوێنه‌ردا سیاقی به‌رزراگرتنی ویستی
هه‌ڵبژاردبوو به‌رامبه‌ر به‌وشه‌پۆله‌ی له‌سه‌ر ته‌نها پێیه‌كی نامۆیی
كارده‌كات. نامۆبوون له‌دوا ویستگه‌ی دا به‌ره‌و ئه‌وكاره‌ساته‌مان ئه‌بات
كه كیركیگارد باسی لێوه‌كردووه كه‌خراپترین نامۆیی نامۆبوون نامۆییه
له‌نیشتمان. . . له‌هه‌مبه‌ر هه‌موو ئه‌ورۆژنامه‌و میدیۆمانه‌ی له‌شكری
قه‌ڵه‌می گوماناویان له‌پشته‌وه‌یه وناوی ئه‌هلیان له‌خۆیان ناوه نێوه‌ند
به‌ستافێكی كارامه‌و ژیرو پرچه‌ك به‌مه‌عریفه‌و وشیاری نه‌ته‌وه‌ییه‌وه
وبه‌گیانی له‌خۆبردویی په‌ره‌یان به‌م رۆژنامه‌یه دابوو. . . به‌لاَم
ئه‌سته‌مه رۆژنامه یه‌ك له‌سه‌ر پێیه‌كانی خۆی رابوه‌ستی و له‌نگه‌ر بگری
ئه‌نجام بربره‌كانی ئابوری له‌یه‌ك ئه‌ترازی و به‌ره‌و ره‌ش بینی ونائومێدی
و داخستنی ئه‌بات. ئاخر چونكه رۆژنامه نوسمان زۆره‌وهه‌ڵوێست كه‌م!بۆیه
تادواچۆری له‌خوێندنه‌وه‌ی ئه‌نۆشن و له‌ته‌له‌زگه‌ش تادواساتی به‌جیچی
ئه‌هێڵن وله‌ئاسمان دا باڵه‌كانیان ته‌ی ئه‌كه‌ن و بۆهه‌وای شان
ودوائه‌نجام شوێن شانیان!
رۆژنامه‌ی نێوه‌ند
له‌ساڵیادی دا بانگی داخستنی ئه‌دات واته ده‌نگێكی ره‌وا به‌شێوه‌ی مۆم
له‌دوا سوتانی دا ئه‌كوژێته‌وه!!لام وابی بۆ سبه‌ینی ئه‌بێـته پێخۆرێكی
باش بۆ سه‌ردێری هه‌واڵه‌كان و زۆر له‌رۆژنامه‌كانیش سه‌رچۆپی پێوه‌ده‌گرن.
. نێوه‌ند ئه‌م ژماره‌یه‌ی له‌سه‌ر شان وگیرفانی ستافه گه‌نجه‌ی و
خه‌ڵكیبه‌هه‌ڵوێست بلاَو ئه‌كاته‌وه زۆرێك له‌رۆژنامه نوس و ره‌تڵی
له‌خوێنه‌رانیش به‌دیار ئه‌م خامۆشیه‌وه جۆش داماون. .
شاره‌كه‌ی مامه‌یاره
به‌ته‌واوی خامۆشی باڵی به‌سه‌ردا كێشاوه هه‌رهیچ نه‌بی هه‌ناسه‌كانی
جارانیشی پێوه‌نیه ده‌نا مێژووی داخستنی مۆدێرێنترین تیپی وه‌ك بابان
كه‌له‌لایه‌ن ژماره‌یه‌ك گه‌نجه‌وه به‌هه‌میان به‌پێز راده‌په‌ری ئه‌مرۆ
له‌رۆژنامه‌یه‌ك دا دووباره‌نه‌ده‌بووه‌وه!خه‌ڵكی له‌كاره‌با وئاوبرین و
هه‌ڵكه‌ندی شه‌قامه‌كان بۆ سالێك و ته‌له‌زگه‌ی به‌ده‌م مۆڵه‌تی شۆفێری
وزیادبوونی نرخی بازارو. . . . . هتد فزه‌یه‌كیان لێوه‌نایه‌ت تاپێیان
نه‌ڵێن ئانارشیزم!!!
چی ده‌بی بۆ نێوه‌ند
هه‌ڵوێستمان هه‌بی. گیرفان دوورین زمان دوورینی به‌دوای خۆیدا هێناوه.
بۆیه هه‌رگیز به‌م جۆره ده‌سه‌لاَتی چواره‌م دروست نابی ئاخر ئێمه‌ی
رۆشنبیران چاومان له‌ده‌سه‌لاَته‌وده‌ممان كردۆته‌وه باده‌ی ده‌ستی سوڵتان
بنۆشین به‌هه‌موو نرخ وبه‌هایه‌ك.
2/7/2005
| 
