مـــــــــن كێـم ... حه‌مید عه‌بدوڵڵا

دانمارك

گه‌رد و تۆزی

سه‌رشاباڵی

خانمێكی ئه‌نفال كراوم

فرمێسكێكی هه‌ڵوەریوم

له‌ گلێنه‌ی

چاو تۆراوم

كارمامزێكی شه‌كه‌تم

‌نیشتمان ێكی له‌ت له‌تم

شۆڕابه‌ی

پرچی خه‌مێكم

له ‌گه‌ردنی خۆم دەئاڵێم

پاوانه‌ و مێخه‌كی مل و

كلدانی پڕ كلی

كاڵێم

هه‌زاران هه‌ناسه‌ی

قوڵی

هه‌ڵكێشراوی ته‌زیووم

به‌گژ قوله‌ی قافا

هاتوم

سه‌ربزێووم نه‌به‌زیوم

كه‌ چاوی چه‌پ و ڕاستی من

به‌خوێنی یه‌ك

تینو ئه‌بن

هه‌موو ئه‌وانه‌ی كه‌ هه‌من

له‌ بێ دەنگی دا

وون ئه‌بن