|
دیدێك له‌مه‌ڕ پرۆسه‌ی په‌روه‌رده ... فه‌رمان ساڵح
دره‌نگ زانیم. . .
پرۆسه‌ی په‌روه‌رده. له‌م ولاَته‌ی مندا. بای قروشێك. جێگه‌ی بایه‌خ نییه
و هه‌لاَتنه له ئه‌شكه‌وته‌كانی ماڵ و ده‌رچوونه له قیژه‌و
هاوارهاواریدایه وبابه!!دنیایه‌كه. له بێزاری و لێوانلێوه له درۆ و
سواق دراوه به گیرفان پڕكردنی هه‌ندێك و قوربانی دانی هه‌ندێكی تر. . . !
* * *
دره‌نگ زانیم. . .
بڕوانامه‌ی ته‌ڕه‌ماش و خوێندن له كۆلیژ و په‌یمانگاكان. گه‌مه‌یه‌كی
دیكه‌ی پڕ له ته‌مبه‌ڵیه و خۆدزینه‌وه‌یه له ژیان. . .
* * *
زۆر دره‌نگ زانیم. .
. ئه‌و هاوڕێیانه‌م. كه په‌نجه‌ره‌ی قوتابخانه‌یان ده‌شكاندو له
مامۆستاكه‌یان ده‌داو كتێبه‌كانیان ده‌دڕاندن. جگه‌ره‌یان له ناو
پۆله‌كه‌دا ده‌كێشاو ده‌فته‌ری غیاباتیان له چاودێری پۆل ده‌دزی و
فیته‌یان بۆ مامۆستا ئافره‌ته‌كه‌مان لی ده‌دا. ده‌بنه كاربه‌ده‌ست و
هه‌موو شتێك ده‌كه‌وێته ده‌ست ئه‌وان. . .
* * *
داخه‌كه‌م. . .
ئه‌گه‌ر نه‌مخوێندبایه‌و ئه‌و هه‌موو ساڵه‌ی خۆیندن. . وه‌ك هاوری
لاساره‌كانم. به‌ردم له په‌نجه‌ره‌ی مه‌كته‌بی بگرتایه. ده‌فته‌ری
غیاباته‌كه‌شم. له چاودێری پۆل دزیبایه. ئێستا ده‌وڵه‌مه‌ند ده‌بووم و
ده‌یان شه‌هاده‌ی ته‌زویرم ده‌كڕی. . . !
* * *
ئه‌گه‌ر
نه‌مخوێندبایه. ده‌بووم به مودیری مودیره‌كه‌م و واسیته‌م نه‌ده‌كرد. تا
بمكه‌ن به پۆلیس و گاردی نیشتیمانی. . . چوون ئه‌وانیش هه‌نووكه كاریان
به ده‌ست و پی سپیه‌كی وه‌ك من نییه. ئه‌گه‌ر واسیته‌ی به هێزم نه‌بی. .
!!
* * *
سه‌د بریا
هه‌رنه‌مخوێندبایه!! ئێستا بۆ خۆم. هه‌موو ڕۆژانی هه‌ینی ده‌چوومه
سه‌یرانی و دووشه‌موانیش قاورمه‌م ده‌خوارد و مانگی جارێكیش سه‌یاره‌یه‌كی
مۆدێلی تازه‌م ده‌كری. . . !!!!
| 
