کۆمیته‌ی پشتیوانی له‌په‌نابه‌ران: له‌گه‌ڵ وه‌زاره‌تی ده‌ره‌وه‌ی نه‌رویج کۆبووه

 

 ڕۆژی 28. 6. 2005 عارف باوه‌جانی به‌رپرسی کۆمیته‌ی پشتیوانی له‌په‌نابه‌رانی ڕۆژهه‌ڵاتی کوردستان. سه‌ردانی وه‌زاره‌تی ده‌ره‌وه‌ی نه‌رویجی کردوو له‌گه‌ڵ به‌رپرسی گشتی ڕۆژهه‌ڵاتی ناوه‌ڕاستی ئه‌و وه‌زاره‌ته‌و به‌رپرسی پێوه‌ندی یه‌گشتیه‌کانه‌وه‌کۆبووه.

ئامانجی ئه‌و کۆبوونه‌وه‌باس کردن بوو له‌سه‌ر هه‌ل و مه‌رجی کورده‌ئاواره‌کانی ڕۆژهه‌ڵاتی کوردستان له‌وڵاتانی عێراق. ئۆردون و تورکیا.

 له‌و کۆبوونه‌وه‌دا باسی ئه‌م شۆێنانه‌ی خواره‌وه‌کرا.

1.      باسی هه‌ل و مه‌رجی 1800 کوردی ڕۆژهه‌ڵات کرا که‌ئیستا له‌نێو ئۆردوگای ئه‌ڵتاش گیریان کردووه‌و دونیاش به‌رامبه‌ریان بێده‌نگه.

2.      باسی ئه‌و 191 کورده‌ئاواره‌کرا که‌له‌سنووری نێوان عێراق و ئۆردون گیریان خواردوه.

3.      باسی 1200 کوردی ڕۆژهه‌ڵاتی کوردستان کرا که‌له‌شاره‌جیاجیاکانی تورکیا دا ده‌ژین. که‌زۆر مه‌ترسی گه‌ڕاندنه‌وه‌یان بۆ ئێران له‌له‌لایان پۆلیسی تورکیا و ه‌هه‌یه. هه‌روه‌ها باسی که‌م کاریه‌کانی کۆمیساریایی به‌رزی په‌نابه‌رانیش کرا به‌رامبه‌ر به‌کورده‌ئاواره‌کان له‌تورکیا. داوا کرا که‌وه‌زاره‌تی ده‌ره‌وه‌ی نه‌رویج پێوه‌ندی به‌کۆمیساریای به‌رزی په‌نابه‌رانه‌وه‌بگرێت و داوا بکات که‌هاوکاری په‌نابه‌ران بکه‌ن و له‌ژیانی پڕمه‌ترسی نه‌جاتیان بده‌ن. هه‌روه‌ها باسی خۆپێشاندانی گشتی کرا که‌قه‌راره‌له‌1. 7. 2005 له‌زۆر وڵاتی جیهان له‌به‌ر ده‌رکی ئوئێن به‌ڕێوه‌بچێت. سه‌باره‌ت به‌که‌م کاری یوئێن و بۆ پشتیوانی له‌و په‌نابه‌ره‌کوردانه‌که‌له‌تورکیادان.

4.      باسی هه‌ل و مه‌رجی 670 کوردی ئاوره‌له‌ئۆردوگای ئه‌لڕۆیشد کرا. داوا کرا که‌وڵاتی نه‌رویجیش له‌و په‌نابه‌رانه‌وه‌رگرن. هه‌روه‌ها داوا کرا که‌وه‌زاره‌تی ده‌ره‌وه‌ی نه‌رویج: ڕه‌خنه‌له‌و بۆچوونه‌ی وه‌زیری کۆچ و نیشته‌جێێ نه‌رویج بگرێت که‌به‌رامبه‌ر به‌په‌نابه‌رانی کوردی ڕۆژهه‌ڵاتی کوردستان ده‌ری بڕیوه.

5.      باس له‌سه‌ر هه‌ل و مه‌رجی هه‌زاران کوردی ڕۆژهه‌ڵاتی کوردستان کرا که‌له‌شار و ناوچه‌جیاجیا کانی باشوری کوردستان ده‌ژین. داواکرا که‌وه‌زاره‌تی ده‌ره‌وه‌ی نه‌رویج:ڕێکخراوه‌کانی هان بدات که‌له‌پرۆژه‌ی کارکردنیان له‌عێراق وکوردستان. ئۆردوگاکانی ئه‌و په‌نابه‌رانه‌ش بکه‌ن به‌کاری پرۆژه‌کانیان و پێداویستی یه‌کانیان بۆ دابین بکه‌ن. که‌وه‌ک پرۆژه‌ی پێشنیار کراو چه‌ند خاڵێکیان له‌له‌لایان عارف باوه‌جانی پێدراو که‌قه‌راره‌له‌داهاتوودا وڵامی ئه‌و پرۆژانه‌بده‌نه‌وه.

به‌رپرسی گشتی ڕۆژهه‌ڵاتی ناوه‌ڕاستی وه‌زاره‌تی ده‌ره‌وه‌ی نه‌رویج. ڕایگه‌یاند که‌ئاگاداری هه‌موو کاره‌کانی کۆمیته‌ی پشتیوانی له‌په‌نابه‌رانه. هه‌روه‌ها ئاماژه‌ی به‌نامه‌یه‌ک کرد له‌مانگی 4. ساڵی 2003 له‌لایان عارف باوه‌جانی بۆی نووسرابوو له‌سه‌رهه‌ل و مه‌رجی په‌نابه‌رانی ئه‌ڵتاش پاش شه‌ڕی نه‌مانی سه‌دام. ووتی پاش خۆێندنه‌وه‌ی نامه‌که‌ڕاسته‌و خۆ له‌گه‌ڵ کۆمیساریایی به‌رزی په‌نابه‌ران له‌جنێڤ پێوه‌ندیم گرتووه‌و داوام کردوه‌که‌فریایی ئه‌ڵتاش که‌ون. هه‌روه‌ها ووتی له‌ڕیگه‌ی سه‌فاره‌ته‌کانمان له‌و وڵاتانه‌دا هه‌وڵ ده‌ده‌ین ئاگاداری وه‌زعی ئه‌و په‌نابه‌رانی بین که‌ئێوه‌ئاماژه‌تان پێ کردوون. هه‌روه‌ها به‌ڵێنی دا که‌له‌سه‌ر داواکانمان له‌سه‌رپرۆژه‌بۆ په‌نابه‌رانی دانیشتووی باشووری کوردستان لێکۆڵینه‌وه‌ی له‌سه‌ربکه‌ن و وڵامان  بۆ بگه‌ڕێنه‌وه.

 

پاش چه‌ندی بابه‌ت وباسی هه‌مه‌جۆره‌له‌کاتژمێر 13 پاش نیوه‌ڕۆ کۆبوونه‌وه‌که‌کۆتای پێهات.

 

 

کۆمیته‌ی پشتیوانی له‌په‌نابه‌رانی ڕۆژهه‌ڵاتی کوردستان

altash_refugee@yahoo. com

altash_refugee@hotmail. com