به‌ناوی خوای گه‌وره و میهره‌بان
به‌رِێز سه‌رۆكی هه‌رێمی كوردستان
جه‌نابی
مه‌سعود بارزانی
سه‌لامی خواتان لێبێت
به‌ناوی خۆم و هه‌موو ئه‌ندامانی مه‌كته‌بی ته‌نفیزی و هه‌موو لق و
ناوچه‌كانی یه‌كێتی زانایانی ئایینی ئیسلامی كوردستان هه‌روه‌ها به‌ناوی
سه‌رجه‌م زانایانی ئایینی له كوردستان گه‌مترین سڵاو و جوانترین پیرۆزبایی
دڵسۆزانه و هه‌ڵقوڵاوی ناو دڵمان پێشكه‌ش به ئێوه‌ی
به‌رِێز ده‌كه‌ین، ده‌پارِێینه‌وه له خوای گه‌وره سه‌ركه‌تووتان بكات و
پشتی سه‌رۆكایه‌تی و چالاكیه‌كانتان بگرێت بۆ سه‌ركه‌وتن له پێناوی
خزمه‌تكردنی موسڵمانان و گه‌لی كوردمان به‌تایبه‌تی كه درێژایی مێژوو
تووشی هه‌زاران ناخۆشی هاتووه هه‌ر له سرِینه‌وه‌ی مۆركی كه‌سایه‌تی
كوردی و زه‌وتكردنی مافه سیاسی و نه‌ته‌وه‌یی و مرۆییه‌كانی، هه‌مووشمان
ده‌زانین ئه‌و كاره نه له‌گه‌ڵ شه‌رع و عه‌قل و مافه‌كانی مرۆڤ تێك ناكاته‌وه.
ئه‌وه‌ی ئێمه‌ش له جه‌نابتان چاوه‌رِێی ده‌كه‌ین چاودێری و گرنگیداناتنه
به موقه‌ده‌ساتی ئیسلامی و زانایانی ئایینی له كوردستان و جیهان،
هه‌روه‌ها هێنانه‌دی ئه‌و مافانه‌یه كه ساڵه‌های ساڵه لێمان زه‌وت
كراوه و جه‌نابیشستان هه‌میشه داكۆكی له‌سه‌ر وه‌دیهێنانیان ده‌كه‌ی.
خوای گه‌وره سه‌ركه‌وتووتان بكات بۆ هێنانه‌دی به‌خته‌وه‌ریه‌كانی دین و
دونیا و پێشكه‌وتنی گه‌لی كوردستان و گه‌شانه‌وه‌ی له هه‌موو
لایه‌نێكه‌وه.
[وقل اعملوا فسیری الله عملكم ورسوله والمۆمنون]
مه‌لا محه‌مه‌د ئاكره‌یی
سه‌رۆكی یه‌كێتی زانایانی ئایینی ئیسلامی كوردستان/ هه‌ولێر
