په‌یامی پیرۆزباهی
به‌ڕێز
کاک مه‌سعود بارزانی سه‌رۆکی هه‌رێمی کوردستان
سڵاوی
رزگاریی و سه‌ربه‌خۆییتان لێ بێت!
له‌پێوه‌ندی هه‌ڵبژاردنتان له لایه‌ن په‌رله‌مانی کوردستانه‌وه بۆپۆستی
سه‌رۆکی هه‌رێمی کوردستان که ده‌ستکه‌وتێکی نه‌ته‌وه‌یی و نیشتیمانییه،
به‌ناوی خۆم و ئه‌ندامانی مه‌کته‌بی سیاسی حزبی رزگاریی کوردستانه‌وه پڕ
به‌دڵ پیرۆزبایی له به‌ڕیزتان ده‌که‌م و هیوای ته‌مه‌ن درێژی و
له‌شساغیتان بۆ به ئاوات ده‌خوازم. به‌و هیوایه‌م له‌خزمه‌تکردن به دۆزی
ره‌وای گه‌لی کوردستان و پاراستنی به‌رژه‌وه‌نده باڵایه‌کانی نیشتیمان
سه‌رفراز و سه‌رکه‌وتووبن.
به‌رزکردنه‌وه‌ی ئاڵای کوردستان و پێکهێنانی ده‌وڵه‌تی سه‌ربه‌خۆ خه‌ونی
شه‌هیدانی رێگه‌ی رزگاریی نیشتیمانه‌که‌مان بوو، ئاواتی هه‌مووشمانه. به
چه‌سپاندنی فیدراڵی و پێکهێنانی حکومه‌تێکی بنکه فراوان و ئازاد گیانی
شه‌هیده نه‌مره‌کانمان ئاسووده ده‌بێت و ئاواته‌کانمان چرۆ ده‌که‌ن،
مێژووش لێتان ده‌خوازێت که‌شتی ئاواته‌کانی گه‌ل به به‌نده‌ری بێوه‌یی
بگه‌یه‌نن. ده‌با له پێناو گه‌یشتن به‌و ئامانجه‌وه له‌ژێر سه‌رۆکایه‌تی
کوردستانه‌وه یه‌کێتی ریزه‌کانی گه‌ل پته‌و و به‌هێزتر بکرێت.
سه‌رکه‌وێ خه‌بات له پێناو کوردستانێکی سه‌ربه‌خۆ و گه‌لێکی به‌ختیار.
براتان
رێکار
ئه‌حمه‌د
سکرتێری حزبی رزگاریی کوردستان
13/6/2005
