لةذصر ئالآي دوو حيزب و دوو دةولَت و دوو سةركردةدا منالَصك هاوار
دةكا ئةمرم فريامكةون!! خالَة حةمة
وه‌ك
روون و ئاشكرایه چینی هه‌ژاران ئه‌وچینه‌یه كه‌زوربه‌ی ئه‌ركه
كۆمه‌ڵایه‌تیه‌كانی كه‌وتۆته سه‌رشان و ته‌نها چینیشه كه بتوانی
قوربانی بدات و پێشه‌نگی قافڵه‌ی شه‌هیدان و سه‌روه‌ری بێت . .
به‌ڵێ ئه‌م چینه‌ی كورد هه‌میشه ئه‌وه‌ی سه‌لماندوه ،
گه‌رده‌رفه‌تی لێ نه‌سه‌ندنه‌وه بهملكه‌چی دوژمنه‌كانی رازی نابێت
و ئازادی و سه‌ربه‌خۆیی بهدهست ئه‌هێنێ و خۆی له‌م سواڵ و
ساقه‌یه رزگار ده‌كات. . به‌ڵێ ئه‌م چینه سه‌دان ساڵه ئاغاو
به‌گ و باوك سالارانی كورد وه‌ک مۆته‌كه سوار كۆڵی بوون به‌ری
ره‌نج و ماندووبونیان لێ زه‌وت ده‌كه‌ن و ته‌نها رۆژیك له‌گه‌ڵ
خه‌می هه‌ژارێكیاندا نه‌ژیاون. . به‌ڵام ئه‌گه‌ر ئه‌م چینه پشت
بكاته میمچه سه‌رمایه‌داری كوردو ئه‌و به‌خته‌وه‌رانه‌ی
گه‌وره‌ییان به میرات بۆ ماوه‌ته‌وه‌و ئه‌و گێل و گه‌مژانه‌ی
زمانی شیرینی نه‌ته‌وه‌كه‌ی خۆیان به‌باشی نازانن چی رووده‌دا. .
ئایا ئه‌و گه‌وره پیاوانه‌ی ئه‌مڕۆ نازان ئه‌وچینه ئه‌توانی
سه‌رخان و ژێرخانی هه‌رهه‌مویان هه‌ڵوه‌شێنێ و گه‌وره‌ییان لێ
وه‌ربگرێتیه‌وهبیانكات به په‌نگی زه‌مانه و مناڵان
به‌رده‌بارانیان بكه‌ن. . ئایا باوكسالارانی كورد هه‌ست
به‌وه‌ناكه‌ن ئه‌م چینه چه‌وساوه‌یه‌ی كورد نیوه‌قه‌ڕنێكه نان و
پیازیان پێوه ئه‌خۆن وورته‌یان لێوه‌نایه‌ت. . به‌رای من شان
وشه‌وكه‌تی پیاوی گه‌وره هه‌ژاران ئه‌یپارێزن . . دارایی و
ده‌رامه‌ت ورابواردنیشیان هه‌مدیسان هه‌ژارانی ژێر چه‌پۆكی خۆیان
به‌ده‌ستی دێنن. . تاكه‌ی هاواری ئه‌م چینه خۆبه‌ختكا‌ره ناگاته
گوێچكه‌ی ئه‌م بێدڵانه . . تاكه‌ی هه‌ست به ئازاریان ناكه‌ن . .
.
تاكه‌ی. . .
تاكه‌ی. . . به‌ڵام ئێوه ئه‌ی هه‌ژارانی خاكه په‌ل
په‌لكراوه‌كه‌م وه‌ك ئه‌وان مه‌بن هه‌موو
له‌م میحنه‌ته‌ی ((كامه‌ران عزیز ئه‌حمه‌د) ) ا بیسه‌لمێنن كه‌وا
بهبێ ئه‌وانیش ئه‌توانن سه‌روه‌ری
بهدهست بهێنن. . بهبێ ئه‌وان ئه‌توانن زیاترله‌رویی مه‌رگا
رابوه‌ستن . . بیسه‌لمێنن كه ئێوه
له‌وان گه‌وره‌ترن . . . هه‌ر ئیستا له پاش خوێندنه‌وه‌ی
ئه‌منوسراوه هه‌ریه‌كه‌تان پاره‌ی یه‌ك
نان بده‌ن به و مناڵه كه له هه‌مووخواپێداوه‌كانی كورد
ئه‌پارێته‌وه وه‌ڵامی ناده‌نه‌وه. . ئه‌گه‌ر هه‌ریه‌كه‌تان
پاره‌ی نانیێك بده‌ن ئه‌وه كۆرپه‌یه‌ك له‌مه‌رگ رزگار ده‌كه‌ن كه
به‌ده‌نگی ناسكی مناڵانه‌ی له‌سه‌ركرده‌و ئاغاو به‌گ و شێخ
ومه‌لاو ده‌وڵه‌مه‌ند ئه‌پارێته‌وه ئاوڕێكی لێناده‌نه‌وه .
ئێوه‌ش كه‌مته‌رخه‌می و سپڵه‌یی و بێ ئه‌مه‌كی ئه‌وان له‌یاد
مه‌كه‌ن و به هه‌ر هه‌موویان بڵێن:ـ ئێمه چینی هه‌ژارانین له
گه‌ڵ ئازارو ناخۆشیدا گه‌وره‌بوین، گه‌ر ئه‌م كوڕه‌شمان بمرێ
سه‌دان نه‌وه‌ی نوێ دروست ده‌كه‌ین به‌ڵام دڵنیابن كه‌جارێكیتر
كوڕتان ناده‌ینێ و به‌چاوی گه‌وره‌ش سه‌یرتان ناكه‌ین و هێنده‌ی
گومرگی ئه‌م چوارده‌ساڵه‌شتان له‌به‌ربین خڕبێ . . . .
خاڵه‌حه‌مه
دانمارك25/9/2004
Xale1@ofir. dk
