سةرؤكي ئينيستوتي كوردي و هةلَةي أصزماني.. . كاروان سةربةني

k_serbeni@hotmail. com

ماوه‌یه‌ک بوو چاوم به‌ هۆنراوه‌ و وشه‌ و رسته‌کانی مامۆستا محه‌مه‌دئه‌مین پێنجوینی نه‌که‌وتبوو، کاتێ له‌ ماڵپه‌ڕی کوردستاننێتی خۆشه‌ویستدا ناویم به‌رچاو که‌وت خۆشحاڵ بووم و به‌ تاسه‌وه‌ بۆی چووم، به‌ڵام سه‌د خۆزگه‌ نه‌مخوێندبوایه‌وه‌. له‌وه‌ته‌ی له‌سایه‌ی پارتی کرێکارانی کوردستان گه‌یشتۆته‌ ئه‌وڕوپا و بۆته‌ سه‌ۆکی ئینیستوتی کوردی به‌رلین، باس له‌ نیشتیمانپه‌روه‌ری و کوردایه‌تی ده‌کات و هۆنراوه‌کانی خۆی به‌ره‌و ئه‌و ره‌وه‌نده‌وه‌ ده‌نێرێ!!. بێگومان هه‌موومان مامۆستا پێنجوینی له‌ ئه‌نجوومه‌نی یاسادانانی ناوچه‌ی ئۆتۆنۆمییه‌وه‌ ده‌ناسین!! و به‌ هۆنراوه‌کانیشی ئاشنایین. من هه‌رگیز هۆنراوه‌ و که‌سایه‌تی خودی شاعیر به‌یه‌که‌وه‌ گرێ ناده‌م. وێڕای هه‌موو شتێک، من هۆنراوه‌کانی مامۆستا پێنجوینیم له‌لا شیرینه‌، به‌ڵام ئه‌و هۆنراوه‌یان سڕی کردم و له‌دڵی خۆمدا وتم تۆ بڵێی له‌وه‌ته‌ی مامۆستا بۆته‌ سه‌رۆکی ئینیستوتی کوردی ئاگای له‌ رێزمان و رسته‌سازی نه‌مابێت!؟. دوایی هه‌رخۆم به‌ رسته‌کان داچوومه‌وه‌ و گه‌یشتمه‌ ئه‌و باوه‌ڕه‌ی که‌ مامۆستا له‌به‌ر ره‌وتی سیاسه‌ته‌که‌ی دوو‌چاری ئه‌و هه‌ڵانه‌ هاتووه‌‌ ‌

من نامه‌وێ هه‌موو شیعره‌که‌ی سه‌راو بن بکه‌م، ته‌نیا کۆپله‌ی یه‌که‌م و دوومی هه‌ڵده‌بژێرم و هه‌ڵه‌ی رێزمانی ده‌خه‌مه‌ به‌رچاوان. له‌رووی ناوه‌ڕۆک و په‌یامی شیعره‌که‌یه‌وه‌ من بۆی ناچم، مه‌به‌ستی من ئه‌وه‌یه‌ چۆن سه‌رۆکی ئینیستوتی کوردی رێزمان نازانێ و باس له‌ ئینیستوتی زمان و ئه‌ده‌بیات ده‌کات

مامۆستا ده‌ڵێ

قردێله‌ که‌سک و سووره‌که‌ی له‌یلا زانا

،بۆ بیست ملیۆن بوو به‌ ئاڵا

سمێڵی هه‌ندێ که‌سانیش

، بۆ ڤیزه‌یێ

، په‌ساپۆرتێ بڕێ دۆلار

بوو به‌ گه‌سکی ئاوده‌ستخانه

‌. له‌ رووی رێزمانه‌وه‌ (هه‌ندێ که‌سان) هه‌ڵه‌یه‌ و دوو کۆ به‌ دوای یه‌که‌وه‌ نایه‌ن، ده‌بوایه‌ بینوسیبوایه‌ سمێڵی هه‌ندێ که‌سیش، چونکه‌ هه‌ندێ کۆیه‌ و که‌سانیش هه‌ر کۆیه‌، که‌واته‌ ئه‌و رسته‌یه‌ هه‌ڵه‌یه‌ و کوردانه‌ دانه‌ڕێژراوه‌. هه‌روه‌ها مادام هه‌ندێ که‌سن نابێ بنووسێ (بوو به‌ گه‌سکی ئاوده‌ستخانه‌) ، ده‌بوایه‌ بینووسیبوایه‌، بوون به‌ گه‌سکی ئاوده‌ستخانه‌

مامۆستا ده‌ڵێ

رۆحی من ئه‌فڕی له‌گه‌ڵ هه‌ورا

هه‌تا ئه‌گاته‌ وڵات

به‌و هیوایه‌ی، له‌ناو دڵۆپه‌ بارانێکا

بکه‌وێته‌ شاره‌که‌مان و

مناڵان یاری پێبکات

دیسانه‌وه‌ مناڵان کۆیه‌، ده‌بێ کرداره‌که‌ش کۆ بێت، ده‌بوایه‌ بینووسیایه‌، مناڵان یاری پێبکه‌ن

له‌ کۆتاییدا هیوادارم مامۆستا پێنجوینی سه‌رنج له‌و کورتیله‌ نووسینه‌ بدات و به‌ سنگی فراوان لێمی وه‌ربگرێت