سايتي كوردستان نصت و ظايرةسةكان ... شادمان
لای هه‌مووان
ئاشکرایه که کوردستان نێت جێگه‌ی خۆی له‌ناو دڵی هه‌موو کوردێکی
دڵسۆز به نه‌ته‌وه‌که‌ی کردووه‌ته‌وه، به‌هۆی ئه‌و نووسینه
جوان‌و به‌نرخ‌و جه‌ریئانه‌ی که له‌م سایته‌وه په‌خش ده‌کرێن،
به‌جۆرێک که‌وایان له‌خوێنه‌ری کورد کردووه که نه‌توانێت
فه‌رامۆشیان بکات‌و خوێندنه‌وه‌یان بوونه‌‌ته زه‌روره‌تێک‌و
هه‌ندێکیان ده‌بن و بوونه به‌شێک له‌مێژووی ڕزگاریخوازی
گه‌له‌که‌مان.
به‌م پێیه
ئه‌رکی پاراستن‌و جوانتر ڕاگرتن‌و پێشخستنی ئه‌م سایته‌و
به‌دوورگرتنی له هاکه‌ره‌کان‌و ڤایره‌سه‌کان ده‌بێته ئه‌رکێکی
نیشتمانی و هه‌مه‌ئاهه‌نگی‌و هه‌ره‌وه‌زییه‌کی هه‌مووانی ده‌وێت،
به‌تایبه‌تی ئه‌و برا کوردانه‌ی که پسپۆڕییان له بواره جیاکانی
کۆپیوته‌رو ئینته‌رنێتدا هه‌یه. لێره‌دا ده‌بێت به‌چاوی ڕێزه‌وه
بڕوانینه ئه‌رکو ماندوبوونی کاک عومه‌ر فارسی به‌ڕێوه‌به‌ری ئه‌م
سایته، که‌به‌تاقی ته‌نیا توانیویه‌تی تا ئێستا ئه‌م خزمه‌ته
له‌خۆی بگرێت، به‌ڵام به‌ڕێوه‌بردنی سایت به‌ته‌نها که‌سێک
بێکه‌موکوڕیش نابێت، هه‌روه‌ک چۆن ره‌خنه له‌پارته سیاسییه‌کانی
کورد ده‌گرین که‌نابێت ده‌سه‌ڵات له‌خودی سکرتێره‌که‌یدا
کۆبێته‌وه چونکه دیکتاتۆر ده‌خوڵقێنێت‌و به‌ره‌نگاریی ڤایره‌سه
سیاسییه‌کانی پێناکرێت، به‌و چه‌شنه‌ش پێویسته کوردستاننێت
بانگه‌واز بۆ هه‌موو لایه‌ک ده‌ربکات که‌ئیشوکاره‌کانی
به‌شێوه‌یه‌کی کۆمه‌ڵی به‌ئه‌نجام بگه‌یه‌نێت و هه‌وڵ بدات بۆ
پێکهێنانی ده‌زگایه‌کی راگه‌یاندنی ئازاد، من لێره‌دا پێشنیار
ده‌که‌م که که‌مپینێک بۆ کۆکردنه‌وه‌ی یارمه‌تی و هاوکاری و
کۆمه‌ک به‌م سایته دروستبکرێت، ئه‌مه وزه‌یه‌ک و توانایه‌کی
باشتر به‌م سایته ده‌به‌خشێت و وه‌ڵامێکی گورچکبڕیش ده‌بێت بۆ
دوژمنانی گه‌لی کورد.
شادمان_
سلێمانی
horami1898@yahoo. com
13/11/04
