ثةيظصك بؤ كاك ئيسماعيل خورمالَي ... مةنسوور عةزيزي
رێزدار،
هه‌ڵبه‌ستوانی به تواناو ئازیزی گۆڕه‌پانی رێنووس و رێزمان و
شه‌قامی هه‌ڵبه‌ستی كوردی، ئه‌م كاته‌ت باش!
زۆرم پێخۆشه
چاو له‌و پروگرامانه بكه‌م كه به‌ڕێزتان تیایاندا به‌شدار ده‌بی و
یان هه‌ڵبه‌ستی خۆت پێشكه‌س ده‌كه‌ی یان له پروگرامی پایزی
شاعیران، گه‌ر هه‌ڵه نه‌بم، به‌رنامه ده‌به‌ی به‌ڕێوه. به راستی
من یه‌ك له‌و تاكانه‌م كه ده‌نگ و ده‌ربڕین و جولانه‌وه
هۆنه‌رییه‌كانی به‌ڕێزتانم زۆر پێ جوانه.
له هه‌مان
كاتدا گه‌ر مه‌ودای ره‌خنه‌م پێ بده‌ی، ده‌مه‌وێ سه‌ره‌تا له رێی
پێشه‌كییه‌كی كورته‌وه سه‌رنجت بۆ لای ره‌خنه‌كه‌م راكێشم!
هه‌موومان
ئاگادارین كه تا هه‌نووكه ئێمه‌ی كورد خاوه‌ن كیانێكی سه‌ربه‌خۆ
نین و له گۆماوی گومان و دڵه راوكێی نادیار بوونی ئاسۆكانی ئه‌وڕۆ
و سبه‌ینێشدا ده‌ژین.
گه‌ر
له‌مڕۆشدا ئێمه سه‌ربه‌ست و سه‌ربه‌خۆ نین، ئاماژه‌یه بۆ ئه‌وه كه
زمانیشمان له گوتن و له نووسیندا تا پێش له چه‌ند ده‌یه و تا
هه‌نووكه‌ش نه‌یتوانیوه خۆی بخاته خانه‌یه‌كه‌وه كه ووشه و ووته‌ی
نه‌ته‌وه‌كانی دیكه _ نه‌ته‌وه باڵا ده‌سته‌كان به سه‌ر كورددا_
له خۆی دوور بخاته‌وه. گه‌ر چاوێك له نووسین و داڕشتنه
كوردییه‌كانی پێش چه‌ند ده‌یه بكه‌ین، ده‌بینین كه ئاخنراوه له
ووشه و ووته‌ی ناكوردی. بۆ راستی ئه‌م باسه‌شم، به دڵنیاییه‌وه
ده‌ڵێم كه په‌رتووكی هه‌ڵبه‌ستوانانی كورد، وه‌ك مه‌وله‌وی و نالی
و قانع و.. . ، گه‌وا ده‌بن و به روونی له هۆنراوه‌كانیاندا نه‌ك
به ده‌گمه‌ن، به‌ڵكو به رسته و له سنووری رسته‌ش تێپه‌ڕێت،
ده‌توانین ووشه‌ی عه‌ره‌بی و.. . به‌دی بكه‌ین..
نووسین و
ده‌ربڕینی كوردی و ره‌نگدانه‌وه‌یان له چاپه‌مه‌نی و بڵاوكراوه
كوردییه‌كاندا، له‌م ده‌یه‌ی كۆتایی هه‌زاره‌ی سێ و ده‌ستپێكی
سه‌ده‌ی بیست و یه‌كه‌م، گۆڕانێكی ووشه دۆزی و بنه‌ما
نانه‌وه‌یه‌كی جێی سه‌رنجی به خۆیه‌وه دیوه‌ته‌وه و ئێستا كه‌م
په‌رتووكه هه‌ڵبه‌ستێك یان.. . ده‌بینین كه ووشه و رسته‌ی عه‌ره‌بی
و فارسی و توركی ته‌واوكه‌ریان بن و جێی ده‌ربڕین و ووشه‌وانی
زمانه‌كانی ئه‌وان دراوه به دۆزینه‌وه و به‌كار بردنی ووشه‌ی
كوردی و له‌و رێبازه‌شه‌وه‌یه كه ده‌ستگاكانی پڕوپاگه‌نده و میدیای
كوردی به‌ره‌و ئاسۆیه‌ك ده‌ڕۆن، خه‌ریكن تا دێ و زمانی كوردی زیاتر
كۆ ده‌كه‌نه.
مه‌به‌ست
له‌و پێشه‌كییه سه‌ره‌پێییه‌م ده‌گه‌ڕێته‌وه سه‌ر هه‌ڵبه‌ستێكی
به‌ڕێزت له ژێر ناوی"مبتلا" (موبته‌لا) !
له
به‌رنامه‌یه‌كتدا كه له گه‌ڵ ده‌نگوڕه‌نگی مه‌زوپوتامیادا هه‌تبوو،
ئه‌م هه‌ڵبه‌سته‌ت خوێنده‌وه! پێویسته بڵێم كه به‌ڕاستی زۆر ته‌ر
بوو هه‌ڵبه‌سته‌كه‌ت و هه‌روه‌ها خۆ ئاسایی و زۆر زۆر خۆش و به
هه‌ستێكی زۆر هه‌ست بزوێنانه پێشكه‌شت كرد. ئه‌وه‌ی كه من گله‌یم
لێی هه‌بوو، ناوی هه‌ڵبه‌سته‌كه‌ت و ووشه‌یه‌ك بوو له نێو
هه‌ڵبه‌سته‌كه‌تدا!
ناوی
هه‌ڵبه‌سته‌كه‌ت، هه‌روه‌ك له سه‌ره‌وه ئاماژه‌م پێداوه، "مبتلا"
بوو!
ئێستا
ده‌پرسم، ئایا كاك ئیسماعیل ووشه‌ی "مبتلا" عه‌ره‌بییه یان كوردی؟
ئایا "
مبته‌لا" هه‌مان ووشه‌ی ' گیرۆده' نییه له زمانی كوردیدا؟
له گه‌ڵ
رێزمدا بۆ هه‌ستی هه‌ڵبه‌ستوانی به‌ڕێزتان، به‌ڵام ئایا ده‌ركردنی
ووشه‌ی بێگانه له نێو رێنووسی كوردی_ به پێی توانا_ ئه‌ركێكی پیرۆز
نییه؟_ به تایبه‌ت بۆ به‌ڕێزتان كه ئاواتت ئه‌وه‌یه سه‌ربه‌خۆیی
وڵاته‌كه‌مان ببینی_!!
ووشه‌یه‌كی
دیكه كه سه‌رنجی پرسیاری منی بۆ لای به‌ڕێزتان راكێشا، ووشه‌ی
"عه‌یامێكه"،
بوو!
پێم وایه
"عه‌یامێكه"، هه‌مان ووشه‌ی " ایام" ی عه‌ره‌بییه كه به كوردی
ده‌بێ به
ووشه‌ی '
رۆژانێكه'.
ئه‌و
هه‌ڵبه‌سته‌ی به‌ڕێزتان زۆر پیرۆزه و له ئاستێكی زۆر به‌رزیشدایه و
من به نۆبه‌ی خۆم سه‌رنجم راكێشرا كاتێك كه به‌ڕێزتان پێشكه‌شتان
كرد و زۆریشم پێخۆش بوو كه دیتم له كوردستان نێتدا بڵاو بۆته‌وه‌و
بۆ خۆشم دوو جارم خوێنده‌وه.
له هه‌مان
كاتدا پێم خۆش بوو كه ئه‌و تێبینییانه‌ی له سه‌ر بنووسم و ده‌نگی
خۆمی له سه‌ر ده‌رببڕم!
هیوام وایه
كه به‌ڕێزتان به سینگێكی فراوانه‌وه ئه‌و تێبینی و ره‌خنانه
وه‌ربگری و گه‌ر پێت خۆش بوو، روونكردنه‌وه‌ی خۆتیان له سه‌ر
بنووسی!!
مه‌نسوور
عه‌زیزی
25. 11. 2004
